БНСУ-ын Ерөнхийлөгч Пак Гын Хэгийн албан ёсны айлчлал өнөөдөр өндөрлөн нутаг буцлаа. Тэрээр "Чингис хаан” олон улсын нисэх буудлаас онцгой үүргийн онгоцоор мордлоо.

Айлчлалын хүрээнд Ерөнхийлөгч Ц.Элбэгдоржтой албан ёсны хэлэлцээ хийж, Ерөнхий сайд, УИХ-ын дарга нартай уулзлаа. Мөн Ерөнхийлөгч Пак Гын Хэ Монгол-Солонгосын бизнес форумд оролцож, манай улсад амьдарч ажиллаж буй солонгос иргэдийн төлөөлөлтэй уулзсан юм.