БНХАУ-ын Төрийн зөвлөлийн Ерөнхий сайд Ли Көцяны айлчлал эхэллээ
БНХАУ-ын Төрийн зөвлөлийн Ерөнхий сайд  Эрхэмсэг ноён Ли Көцяны Монгол Улсын Засгийн газрын урилгаар 2016 оны 7 дугаар сарын 13-14-ний өдрүүдэд Монгол Улсад хийж буй албан ёсны айлчлалаа эхэллээ.

Энэхүү айлчлал нь БНХАУ-ын Төрийн зөвлөлийн Ерөнхий сайдын 6 жилийн дараа Монгол Улсад хийж буй айлчлалын зэрэгцээ Монгол, Хятадын Иж бүрэн стратегийн түншлэлийн харилцаа тогтоосны дараа хятадын талаас хийж буй Ерөнхий сайдын анхны айлчлал болж байгаагаараа чухал ач холбогдолтой юм.

Өнөөдөр Монгол Улсын Ерөнхий сайд Ж.Эрдэнэбат БНХАУ-ын Төрийн зөвлөлийн Ерөнхий сайд Ли Көцянтай албан ёсны хэлэлцээ хийж, хоёр улсын харилцаа, хамтын ажиллагаа болон олон улс, бүс нутгийн харилцан сонирхсон олон асуудлаар санал солилцов. Албан ёсны хэлэлцээний дараа талууд худалдаа, эдийн засаг, дэд бүтэц, санхүү, эрчим хүч зэрэг олон салбарын хамтын ажиллагааг хөгжүүлэхэд чиглэсэн 10 гаруй баримт бичигт гарын үсэг зурав.

Айлчлалын хүрээнд Ерөнхий сайд Ли Көцян Монгол Улсын Ерөнхийлөгч Ц.Элбэгдорж, УИХ-ын дарга М.Энхболд нарт бараалхаж, 15-16-ны өдрүүдэд АСЕМ-ийн дээд түвшний уулзалтад оролцох юм.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.