“Гал үндэстэн” холбооноос Ц.Мөнхбаяр нарын өмгөөлөгч гадны нөлөөтэйгөөр шүүх хуралд орж чадаагүй талаар мэдээлэл өгөв. Тэд үүнийг улс төрийн зохион байгуулалттай гэж үзэж байгаа аж. Учир нь шүүх хурал болохоос нэг өдрийн өмнө буюу өнгөрсөн пүрэв гаригт Ц.Мөнхбаярын хэргийг анхан шатнаас нь хариуцан ажиллаж байсан Ц.Энхбаяр өмгөөлөгч халдлагад өртсөн байна. Түүнийг ажлаасаа гарч явахад хэн нэгэн араас нь толгой руу нь маш хүчтэй цохиж ухаан алдуулжээ. Одоо тэрбээр тархиндаа хүнд гэмтэл авсан оноштойгоор Баянгол дүүргийн Нэгдсэн эмнэлэгт хэвтэн эмчлүүлж буй аж. Үүнийг ”Бид санамсаргүй тохиолдол гэж үзэхгүй байна” хэмээн Гал үндэстэн холбооны дэд тэргүүн Я.Хундаганай онцлов. Мөн “Eagle” телевиз бидний талаар гүтгэсэн, доромжилсон нэг талыг баримталсан нэвтрүүлэг удаа дараа хийж байгаа тул үүнтэй хатуу хариуцлага тооцно гэдгээ ч илэрхийлсэн юм. “Гал үндэстэн” зэрэг хорь гаруй иргэний нийгмийн холбоод бямба гаригт хамтын ажиллагааны гэрээнд гарын үсэг зурах юм байна.
Г.ХУЛАН
ЗУУНЫ МЭДЭЭ
Г.ХУЛАН
ЗУУНЫ МЭДЭЭ