Хүй долоон худаг руу үйлчилнэ
Наадмын өдрүүдэд Хүй долоон худаг руу "RAILBUS" үйлчилнэ. Тодруулбал, энэ сарын 14-ийг хүртэл Дүнжингарав худалдааны төв, Дунд голын зогсоолоос "RAILBUS" Хүй долоо худаг руу 500 төгрөгөөр үйлчлэх бол Давааны өртөөний төмөр замын буудлаас Морь барианы газар хүртэл их багтаамжийн таван автобус наадамчдад үнэ төлбөргүй үйлчилнэ.

Баярын өдрүүдэд нийтийн тээврийн үйлчилгээнд үндсэн /хотын доторх болон хот орчмын/ 82 чиглэлд, зуслангийн гурван чиглэлд их багтаамжийн тав, нийт их багтаамжийн 654 автобус үйлчилгээнд явна.

Дүнжингарав худалдааны төв рүү долоодугаар сарын 11, 12-нд хотын зүүн болон хойд чиглэлээс нийт 24 чиглэлийн 159 их багтаамжийн автобус Олимпийн гудамж, Намъянжугийн гудамжаар, Мишээл экспо төв рүү хотын баруун болон урд чиглэлээс нийт найман чиглэлийн 55 их багтаамжийн автобус үйлчилгээнд явна.

Мөн Дүнжингарав худалдааны төв-Төв цэнгэлдэх-Мишээл экспо чиглэлд 15 автобус, Дунд голын зогсоолоос Төв цэнгэлдэх рүү богино эргэлтээр 3-5 минут тутамд нийт гурван автобус, наадамчин олонд үнэ төлбөргүй үйлчилнэ.
Хүй долоо худаг руу долоодугаар сарын 11-12-нд Төв цэнгэлдэхийн хойд талаас буюу Махатма Гандийн гудамжинд байрлах автобусны буудлаас долоодугаар сарын 13-нд хотын төвөөс буюу МУБИС автобусны буудлаас их багтаамжийн 20 автобус, мөн долоодугаар сарын 11, 12, 13-ны өдрүүдэд 3,4-р хороолол, 7 буудал, 5 шар, ХМК, "Офицеруудын ордон гэсэн таван цэгээс тус бүр нийт 20 микро автобус үйлчилнэ.

Наадмын өдрүүдэд Төв цэнгэлдэх хүрээлэн орчмын таксины зургаан зогсоолоос таксины үйлчилгээ иргэдэд үйлчилнэ.

Баярын өдрүүдэд нийтийн тээврийн үйлчилгээнд нийт 702 их багтаамжийн тээврийн хэрэгсэл үйлчилгээнд явна.
 
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.