Монголын тамирчдын баярын өдөр өчигдөр тохиолоо. Энэ хүрээнд Чингисийн талбайд  баярын  арга хэмжээг уламжлал ёсоор зохион байгууллаа. Жил бүр тэмдэглэж заншсан тус баярыг энэ жил “Азийн хүүхдүүд-2016” олон улсын хүүхдийн спортын наадамд оролцох өсвөрийн тамирчдыг үдэн гаргах ёслолтой хамтатган тэмдэглэсэн юм.  

Мөн энэ үеэр “Рио-2016” олимпийн наадамд оролцох Монголын баг тамирчдын ёслолын хувцсыг танилцууллаа. Манай баг тамирчид сүүлийн хоёр олимп дараалан өмссөн алтан шаргал өнгийн хувцасаар  дахин гангарах юм байна. Олимпт  оролцох тамирчдын хувцасыг “Шилмэл загвар” компанийнхан урлажээ.