АСЕМ дуустал  жагсаал цуглаан зохион байгуулахыг хориглов

Нийслэлийн Засаг даргын А/531 дүгээр захирамжийн дагуу Монгол Улсын Үндэсний их баяр наадам, Ардын хувьсгалын ойн баяр, Ази, Европын дээд түвшний арван нэгдүгээр уулзалт, уг уулзалтын 20 жилийн ойн арга хэмжээг 07 дугаар сард Улаанбаатар хотод зохион байгуулахтай холбогдуулан арга хэмжээний бэлтгэл ажил, иргэд олон нийт, гадаад улсын зочин төлөөлөгчдийн аюулгүй байдал, нийгмийн хэв журмыг хангах зорилгоор  2016 оны 07 дугаар сарын 01-17-ны өдөр Их эзэн Чингис хааны нэрэмжит талбай болон нийтийн эзэмшлийн талбайд төрийн болон нутгийн захиргааны байгууллагын төлөвлөгөөт арга хэмжээнээс бусад хувийн хэвшил, олон нийтийн болон иргэний байгууллага, нам эвсэл, иргэдээс зохион байгуулах арга хэмжээ, жагсаал цуглааныг бүртгэх үйл ажиллагааг түр хугацаагаар зогсоолоо.

Хууль тогтоомжийн хүрээнд шаардлагатай арга хэмжээ авч нийгмийн хэв журмыг сахиулах, гадаад улсын зочин төлөөлөгчид, наадамчин, иргэд олон нийтийн  аюулгүй байдлыг хангахтай холбогдуулан бэлтгэл ажлыг зохион байгуулж, нийтийн эзэмшлийн гудамж талбайн камерын хяналтын ашиглалтыг сайжруулан ажиллахыг Улаанбаатар хотын Цагдаагийн газарт үүрэг болгов гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин 2016-07-01 02:56:27
    Үнэхээр жагсах шаардлагатай болоод жагсдаг нь хэд юм болдоо ихэнх нь мөнгөний шантаажчид, одоо хиншүү, уянга хосоорроо жагсах байхдаа
    • Зочин 2016-07-01 04:31:21
      Яг үнэн. Сая их хуралд сууж өвөө мөнгөтэй болоо байлгүй. Одоо хахаж цадахаа мэдэхгүй мөнгөний, шантаажны жагсаалаа хийж эхлэх биз.