Тулгууртай харайлтын олимпийн хоёр удаагийн аварга Елена Исинбаева Олон улсын хөнгөн атлетикийн холбоог (IAAF) Лозанна хотын Спортын арбитрийн шүүхэд өгөхөөр  шийдсэн тухайгаа  "Р-Спорт" сонинд ярьжээ. Мөн ийм гомдлыг Оросын багийн бусад хэд хэдэн тамирчид гаргахаар болсон байна.

Олон улсын хөнгөн атлетикийн холбоо Оросын тамирчдыг Рио-2016 зуны 31-р олимпийн наадамд оролцуулахгүй байх шийдвэрийг гаргасан. Улмаар  сэргээш хэрэглээгүй нь батлагдсан ОХУ-ын тамирчдыг олон улсын Олимпийн хорооны тугийн дор жагсахаар болсон.