У.Хүрэлсүх тэргүүтэй МАН-ын төв штабын төлөөлөгчид хөдөө орон нутагт ажиллаж байна
МАН-ын Удирдах зөвлөлийн гишүүн, Шадар сайд асан У.Хүрэлсүх, УИХ, Засгийн газрын гишүүн асан Т.Ганди, Гадаад харилцааны дэд сайд асан Г.Тэнгэр зэрэг МАН-ын сонгуулийн төв штабын ажилтнууд төв болон говийн бүсийн аймгуудара хийх уулзалтаа Өвөрхангай аймгийн Хархорин, Хужирт сумаас эхэллээ. 

Уулзалтын үер У.Хүрэлсүх Монгол орны улс төр, нийгэм, эдийн засгийн өнөөгийн байдлыг дүгнэж, 2016 оны УИХ-ын сонгуульд МАН-аас дэвшүүлж буй мөрийн хөтөлбөрийг үндсэн 5 зорилгын хүрээнд ухуулан таниулах яриа хийв. Мөн Т.Ганди нийгэм хамгаалал, халамжын чиглэлээр цаашид барих бодлогын талаар ярьжээ. Үүний дараа тус сумын иргэд, сонгогчдийн асуултанд хариуллаа. Иргэд Монгол улсын өр, АСЕМ, алтны уурхайгаас болж Орхон гол бохирдож байгаа тухай зэрэг улс болон орон нутгийн тулгамдаж буй асуудалтай холбоотойгоор санал хүсэлтээ илэрхийлж, асуулт тавьж  байв. У.Хүрэлсүх тэргүүтэй МАН-ын Төв штабын төлөөлөгчид  Өвөрхангай аймгийн Бат-Өлзий, Уянга сум, Арвайхээр хотуудад уулзалт хийхээр төлөвлөж байгаа юм байна. 


Монгол Ардын намын сонгуулийн төв штаб
Бусдад түгээх
  • gplus