Германы канцлер Ангела Меркель шигшээ багийнхаа ихэнх тоглолтыг өөрийн биеэр үзэж сонирхдог. Өнгөрсөн шөнө шөвгийн 16-д Алжирын шигшээ багтай тоглон 2:1-инй харьцаагаар хожил байгуулан шөвгийн наймд шалгарсан шигшээ багийн тамирчдаа А.Меркель магтсан байна. Түүнчлэн гоол оруулсан А.Шюрле болон М.Өзил нарт тусгайлан баяр хүргэж тамирчиддаа амжилт хүссэн байна. Тэрбээр “Одоо хоёрхон шат. Шөвгийн дөрөв, финаль. Миний бодлоор Германы хөлбөмбөгийн шигшээ баг үнэхээр гайхалтай. Та нар аварга авч чадна. Итгэлтэй байна. Эх орныхоо нэрийн өмнөөс гүй, гоол оруул, ял, төрийн дууллаа эгшиглүүл” гэж хэлжээ.
Б.Сансартуяа
Оллоо.мн