2014 оны Ази тивийн өсвөр үеийн аварга шалгаруулах тэмцээн гурван төрлөөр Тайланд улсын Бангкок хотын Спортын ордонд үргэлжилж байна.
Тэмцээний хоёр дахь өдөр охидын 46 кг-ын жинд зодоглосон Б.Дөлгөөн хүрэл, хөвгүүдийн 76 кг-ын жинд барилдсан З.Сумьяабазар мөнгөн медаль хүртсэн ч Хүүхдийн зуны олимпийн наадамд оролцох эрх авч чадсангүй.
76 кг-ын жинд 13 бөх барилдсанаас манай бөх З.Сумьяабазар нэгдүгээр тойрогт тайваны бөх Вангтай таарч 12:3, хоёрдугаар тойрогт Өмнөд Солонгосын бөх Мин Сун Кимийг 3:3, гуравдугаар тойрогт казахстаны бөх Даулеткази Ескалийг 1:1 онооны харьцаагаар ядараалан ялж мөнгөн медалийн болзол хангаад алтан медалийн төлөө японы бөх Яжуро Ямасакитэй барилдаж 1:1 онооны харьцаагаар хожигджээ.
Манай бөх Б.Дөлгөөн нэгдүгээр тойрогт энэтхэгийн бөх Шиндэг 3:0 онооны харьцаагаар хожиж мөнгөн медалийн төлөө барилдаанд казахстаны бөх Марина Закшевскаяд 1:7 онооны харьцаагаар ялагдаж хүрэл медалийн төлөө барилдаанд хятадын бөх Чен Юмейг цэвэр даржээ.