Б.Мэдрээ оффшор бүсэд хамааралтай юу
Нийгмээрээ оффшор дансийг жигшиж эхлэв. Үүнээс үүдээд оффшор данстнууд ад болж үүний эсэргүүцэгчид сонгуулийн шоу хийж байна. Гэтэл өөрөө оффшорт хамааралтай хирнээ үүнийг эсэргүүцэж, шоудах гэдэг хэр бодитой харагдах юм бол мэдэхгүй юм.

Өчигдөр Худалдаа хөгжлийн банкны захирал Б.Мэдрээ ярилцлага өгөхдөө оффшорын талаарх асуултад “Энэ асуудалтай дэлхийн G 8-аас эхлээд дэлхийн бүх л орнууд тэмцэж байгаа. Одоо удахгүй болох Их наймын хурлаар зөвхөн офшор дансны асуудлыг хэлэлцэнэ. Улстөрчид нь авлига авсан мөнгөө офшор дансанд нууж байх шиг байна, бизнес талынхан татвараас нуусан мөнгөө тийш нь хийж байх шиг байна. Энэ буруу. Энийг өмөөрөх ёс зүйн болон эдийн засгийн эрх байхгүй. Одоо хүмүүс “Байж болно ш дээ” гэж ярих гээд байна. Манайхан хааж нуугаад байна, тэр 49 хүн нь хэн юм бэ, улстөрчид, бизнесмэн нь хэн юм бэ гээд гаргаад ирэх ёстой. Тэгээд харахаар улстөрчдийг авлигын мөнгө мөн үү гэдгийг мөрдөн шалгах ёстой, бизнесмэнүүдийг татвараас яагаад зугтаалгасныг, ер нь зугтаалгасан байх, онолоороо тэрийг зөвтгөх арга байхгүй. Энэ 49 зөвхөн Панамын цааснаас гарч ирж байгаа болохоос дэлхийд маш олон офшор бүс байгаа, нэг л газар дэлгэгдсэнээс болж манайхаас 49 хүн байна гэхээр  цааш нь ухвал хэдэн ч хүн гарах юм бүү мэд. Эднийг зөвтгөөд хэрэггүй.

Одоо офшорт нуусан мөнгийг оруулж ирж, татвар энэ тэрийг төлүүлж, эргэлтэнд оруулах ёстой байх. Ирээдүй хойч үе маань бохир биш, эрүүл нийгэмд амьдрах ёстой. Тийм учраас тэмцэх ёстой, шалгах ёстой, бүх юм нь хууль ёсны дагуу нотлогдож батлах ёстой. Хаацайлж хэрхэвч болохгүй.” хэмээн сүржийн хариулт өгчээ.

Гэтэл “Шилэн” хэмээн нэрлэгдээд байгаа Б.Цогтгэрэл өөрийн фэйсбүүк хуудаснаа “Худалдаа хөгжлийн банкны 65.83 хувийг Люксембургийн оффшор Globull Investment and Development S.C.A. эзэмшдэг” хэмээн мэдээлжээ.



Тэгэхээр татваргүй оффшор бүсэд Б.Мэдрээ Ерөнхийлөгч огт хамааралгүй гэж хэлэхэд хэцүү болж таарж байна. Магадгүй эрхэм Ерөнхийлөгч энэ талаараа ямар нэг тайлбар өгөх биз.

Б.Мэдрээ болон Худалдаа хөгжлийн банктай холбоотой хуудуутай баримтууд үүгээр зогсохгүй бололтой. Азийн хөгжлийн банкны 2008 оны тайланд Худалдаа хөгжлийн банкны тухайн үеийн ханшаар 2.78 сая долларын өртөг бүхий хувьцаагаа АНУ-д дөнгөж байгуулагдсан US Global хэмээх оффшор компанид зарсан гэжээ. Хамгийн сонирхолтой нь уг тайланд US Global гэх энэхүү компани нь 100 хувь монголчуудын байгуулсан компани болохыг дурьдсан байгаа юм. Энэ үед ч оффшорыг өмөөрөх “ёс зүйн болон эдийн засгийн” эрхгүй эрхэм Худалдаа хөгжлийн банкны банкны гүйцэтгэх захирлаар томилогдож байсан нь сонирхол татаж байгаа юм.



Түүний хувьд УИХ-ын 2016 оны сонгуульд Сүхбаатар Багануур дүүргийн 59 дүгээр тойрог нэр дэвшин өрсөлдөхөөр болсон байгаа. Уг нь АН-ынхан “оффшор данстай хүмүүсээ сонгуульд нэр дэвшүүлэхгүй” хэмээн мэдэгдэж байсан. Гэхдээ энэ нь сая доллараа таг мартдаг С.Баярцогтод үйлчлээгүй. Тэгэхээр Б.Мэдрээ захиралд ч бас намын даргын үг тусгалаа олно гэдэгт эргэлзээтэй.





 
Б.МОЛОР
Оллоо.мн
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Боорчи 2016-06-08 06:57:49
    МАН-н обшорчид 46 гээд боддоо.
  • Zochin 2016-06-07 15:34:36
    Har Tsogoo uuriinhuu namiin humuusiin bulhaig nuuh gej hudlaa ingedegee boliosoi
  • Үнэн 2016-06-07 11:38:43
    Монголын банкууд ард түмнээ зээлийн өндөр хүүгээр хүүлж Манжийн үеийн данжаадууд шиг аашилж байхад юу боллоо гэж ийм луйварчин банкныхныг сонгох вэ дээ?
  • zochin 2016-06-07 04:17:48
    өөрийн толгой дээрхи юуг харахгүй байж хүний толгой дээрхийг харнаа гэж, энэ өвгөн ч бас юув дээ
  • Зочин 2016-06-07 02:34:59
    Ярих гэж янцагласан ядаргаатай эр байна лээ дээ
  • Зочин 2016-06-07 00:29:24
    Энэ олон жил банкны бүх будлианд голлон оролцож явсан одоо ХХБ -ны захиралын албан тушаалыг хашиж байгаа нь зүгээр хүний хийх ажил биш ш дээ . Болимоор юм