Олон улсын эрдэм шинжилгээний хурал болно
Монголбанк, БЭСТ консорциум, МУИС-ийн Эдийн засгийн тэнхим хамтран зохион байгуулж байгаа 2016 оны олон улсын эрдэм шинжилгээний хурал 06-р сарын 10-ны өдөр зохион байгуулагдах гэж байна. Тус хурал 2014 онд Эрдэс баялгийн орлогын менежмент, 2015 онд Аж үйлдвэрийн бодлого зэрэг ерөнхий сэдвүүд дор зохион байгуулагдаж байсан бол энэ удаад дэлхийн зах зээлийн өөрчлөлтийг даган эдийн засгийн бодлогын онол, туршлагыг танилцуулах, тус чиглэлээр хийгдэж байгаа судалгааны ажлуудын үр дүн болон мэдлэгийг бусдад түгээх зорилгоор “Шинэ нөхцөл дэх эдийн засгийн бодлого: Онол ба бодлого” сэдвийн дор зохион байгуулагдах юм.

Олон улсын эрдэм шинжилгээний хурал дараах гурван үндсэн чиглэлээр зохион байгуулагдана.
 
  • Шинэ нөхцөл дэх мөнгөний ба сангийн бодлого
  • Монгол Улсад олон салбарын төрөлжилтийг хэрэгжүүлэх бодлого ба асуудлууд
  • Институцийн орчин ба тогтвортой хөгжил
Энэхүү хуралд эдийн засгийн бодлогын чиглэлээр ажилладаг төрийн түшээд, ОХУ, Япон болон бусад орны судлаачид, дотоодын их дээд сургуулиудын судлаач нар эдийн засгийн бодлого, бизнесийн нөхцөл, олон улсын жишээ, бодлогын оновчтой шийдлүүдийн талаар төрийн бодлого, санал бодол, судалгааг танилцуулж, бодлогыг хэрэгжүүлэх дэлхийн туршлагыг олон нийтэд түгээж санал солилцох юм.
 
Дэлгэрэнгүй мэдээллийг эндээс үзнэ үү
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.