“Монгол цэргийн жавхаа” уралдаанд түрүүлсэн ангийн захирагчийг хоёр өрөө байраар шагналаа

Нийслэлийн Засаг даргын Тамгын газраас  Батлан хамгаалах яам, Зэвсэгт хүчний Жанжин штаб, Хил хамгаалах ерөнхий газар, Онцгой байдлын ерөнхий газартай хамтран “Монгол цэргийн жавхаа-2016” уралдааныг 4 дэх жилдээ  амжилттай зохион байгуулсан.  

Энэ жилийн уралдааны тусгай байрт хурандаа С.Болдбаатар захирагчтай Зэвсэгт хүчний 150 дугаар анги, гутгаар байрт хурандаа Д.Гантөмөр захирагчтай Хилийн 0164 дүгээр анги,  дэд байрт хурандаа Д.Өлзийбаяр захирагчтай Зэвсэгт хүчний 350 дугаар анги, тэргүүн байрт хурандаа Б.Хаш-Эрдэнэ захирагчтай Зэвсэгт хүчний 084 дүгээр анги тус тус шалгарсан юм.

“Монгол цэргийн жавхаа-2016” уралдаанд анги, байгууллагаа чадварлаг удирдан амжилттай оролцож, шагналт байранд шалгарсан ангийн захирагч нарыг уралдааны болзлын дагуу орон сууцаар шагнах тухай  Нийслэлийн Засаг даргын 2016 оны 5 дугаар сарын 27-ны А/427 дугаар захирамж гарлаа. Тус захирамжид тэргүүн байрт шалгарсан Зэвсэгт хүчний 084 дүгээр ангийн захирагч, хурандаа Батдэлгэрийн Хаш-Эрдэнэд Баянгол дүүргийн 4 дүгээр хороо, Түвшин өргөө хотхон 304 дүгээр байрны 2 тоот 2 өрөө (49,35м2), дэд байрт шалгарсан Зэвсэгт хүчний 350 дугаар ангийн захирагч, хурандаа Доржсүрэнгийн Өлзийбаярт Сонгинохайрхан дүүргийн 27 дугаар хороо  21 хорооллын 23а байрны 95 тоот 2 өрөө (37,5м2), гутгаар байрт шалгарсан Хилийн 0164 дүгээр ангийн захирагч, хурандаа Дамдины Гантөмөрт Хан-Уул дүүргийн 2 дугаар хороо, 94 дүгээр байрны 81 тоот 1 өрөө (29,36м2) орон сууцаар тус тус шагналаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • иргэн 2016-06-06 07:13:06
    Ард түмнээ торгосон мөнгөөр бие биенээ тордож байгаа хэрэг. Нийслэлийн Засаг даргад ийм хэмжээний шагнал олгох эрх байхгүй. Үүнийг АТГ шалгах хэрэгтэй.
  • unen 2016-06-06 04:29:29
    ene mungu khaanaas garaad bna tatvar tulugchdiin munguur tusviinkhun neg negnee shagnaad baikhaa bolivol yasan yum be Mongold er army kheregtei yu novsh gej