Толгойтын замыг өргөтгөн шинэчлэх ажил эхэллээ

Сонгинохайрхан дүүргийн Орбитын уулзвараас-Толгойтын эцэс-Үйлдвэрчний эвлэлийн гудамж хүртэлх 3,6 км авто замын өргөтгөл шинэчлэлт, 36.75 урт метр, 48.75 урт метр төмөрбетон гүүрийн барилга угсралтын ажлын нээлт боллоо. Нээлтийн үйл ажиллагаанд нийслэлийн Засаг дарга бөгөөд Улаанбаатар хотын Захирагч Э.Бат-Үүл, УИХ-ын гишүүн Л.Эрдэнэчимэг, УИХ-ын гишүүн Ш.Түвдэндорж, нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гамтөмөр, Сонгинохайрхан дүүргийн Засаг дарга М.Чинболд болон бусад холбогдох албаны хүмүүс, дүүргийн иргэд оролцов.   

Үйлдвэрчний эвлэлийн гудамжнаас-Толгойтын эцэс хүртэлх замыг анх 1978 онд, Толгойтын эцсээс-Орбитын уулзвар хүртэлх замыг 1985 онд ашиглалтад оруулж байжээ. Тус замыг 30 гаруй жилийн дараа өргөтгөн шинэлчилж байгаа бөгөөд өнөөг хүртэл их засвар хийж байгаагүй юм. Энэхүү замыг 4 эгнээ, зорчих хэсгийн өргөнг 14 метр болгож, 2 талдаа 2,85 метр явган хүний зам, борооны ус зайлуулах шугам, гэрэлтүүлэгтэй болгох юм. Гүйцэтгэгчээр “Тотал инж” ХХК ажиллаж байна. Замын нэгдүгээр хэсэг буюу Үйлдвэрчлэлийн эвлэлийн гудамжнаас-Толгойтын эцэс хүртэлх замыг 07 сарын 05-нд, харин хоёрдугаар хэсэг буюу Толгойтын эцсээс-Орбитын уулзвар хүртэлх замыг 10 сарын 30 гэхэд шинэчлэн дуусгаж, 2016 оны 12 сарын 01-нд бүрэн ашиглалтад оруулахаар төлөвлөжээ.

Тус замыг улсын төсвийн хөрөнгөөр Азийн хөгжлийн банкны хөнгөлөлттэй зээлийн хүрээнд барих бөгөөд 230 айлын газрыг чөлөөлөх юм. Одоогоор айлуудад мэдэгдэх хуудас хүргүүлээд байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ. 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2016-06-03 09:50:54
    Орбитын замыг хэзээ засах вэ
    202.70.46.20
    Мэдэгдсэн Хариулах
  • зочин 2016-06-03 08:01:43
    Нүдээ олсон ажил байна шүү, анхнаасаа л ингээд өргөн тавьчихвал дараа нь амар шүүдээ
    202.179.2.70
    Мэдэгдсэн Хариулах