Сонгинохайрхан дүүргийн хүн ам жилээс жилд нэмэгдсээр 2015 оны байдлаар Монгол улсын нийт хүн амын 10 хувь буюу 300 мянга гаруй иргэнтэй болжээ. Дүүргийн нийт иргэдийн 27 хувь нь байшин хороололд 73 хувь нь гэр хороололд амьдардаг.
Тэгвэл тус дүүрэгт МАН-аас хэн нэр дэвших вэ?
Тэгвэл тус дүүрэгт МАН-аас хэн нэр дэвших вэ?
Хөрөнгөлөг хатагтай Ц.Гарамжав
Өнгөрсөн оны “Азийн хүчирхэг 50 бизнес эмэгтэй” жагсаалтын бичигдэж тухайн үедээ шуугиулж байсан хатагтай бол Ц.Гарамжав. Тэр МАН-аас Сонгихонхайрхан дүүрэгт нэр дэвшин өрсөлдөхөөр болсон. Түүний удирддаг. Монполимет групп нь 20 гаруй жилийн хугацаанд хүнд үйлдвэр, уул уурхай, барилга байгууламжийн чиглэлээр үйл ажиллагаа явуулдаг байна. Энэ ч үүднээс тэрбээр МАН-ын эмэгтэйчүүд дундаа бийлэгжүү загнадаг. Намын аливаа үйл ажиллагааг бие даан санхүүжүүлэхээс гадна намдаа өгөх хандивт гар татдаггүй нэгэн. Түүнийг хүний эрхийн хуульч М.Ичинноров намын удирдлагууд хандивын хэмжээнээс хамаарч албан тушаал “өгдөг” Эрдэс баялаг, эрчим хүчний дэд сайд Ц.Гарамжав ийм л байдлаар сайдын суудал авсан” хэмээж байсан удаатай. Түрийвч зузаан бизнесийн арвин түүхтэй бийлэгжүү хатагтай энэ удаад хотын захын дүүрэгт ямар амлалт өгөх нь сонин байна.
“Их засаг”-ийн өв залгамжлагч Н.Учрал
Монголын “Royal” академийн захирал Н.Учралын Сонгинохайрханд нэр дэвшихээр болж. “Их засаг” их сургуулийн захирал Ням-осорын ганц өв залгамжлагч нь Учрал. Түүний хувьд Анх МС Темон нэрээр хип хоп дуу дуулж олонд танигдсан. Тэр "Royal HD" залуусын телевиз, "Royal 9.89" радиог санаачлан байгуулсан.
Харин улстөрийн карьерын хувьд АМЗХ-ныхоо Удирдах зөвлөлийн гишүүн, “Нийгмийн Ардчилал” сургалтын төвийн захирлын сонгуульт ажлыг гүйцэтгэж байна.
Өнгөрсөн 2012 оны сонгуульд Хэнтий аймагт нэр дэвшихээр зэхсэн ч бүтэлгүйтсэн юм. Сайн эцгийн буянаар гадаад дотоодын олон сургууль дүүргэсэн намтар арвинтай Н.Учрал хүүг сонгинохайрхан дүүргийнхэн хэрхэн хүлээж авах ыг таашгүй. Түүний хувьд УИХ-ын гишүүн, сайд З.Баянсэлэнгэ, УИХ-ын цэцэгчин гишүүн Д.Эрдэнэчимэг нартай нэг тойрогт тулсан байгаа юм.
"Аварга" дахин өрсөлдөнө
МАН-аас Сонгинохайрханд Д.Сумъяабазарыгаа дахин “сойх”-оор боллоо. Түүний хувьд УИХ-д гурван жил суусан. УИХ-ын 2012 оны сонгуулиар яг жилийн дараа түүнийг тангараг өргүүлсэн юм. Түүний хувьд 2002 оноос бизнес хөөж, 2008 онд НИТХ-д Сонгинохайрхан дүүргийг төлөөлөн суусан. Мөн Үндэсний хөрөнгө оруулалтын банкийг 2006 онд байгуулснаас хойш банк санхүү, эдийн засгийн мэдлэг, туршлага цуглуулсан гэх нь бий.
Сонгинохайрханд дархлагдсан гишүүн
МАХН-аас сонгогдсон Д.Тэрбишдагва тус дүүрэг өнөө жил МАН-аас нэр дэвшинэ. Түүнийг тус дүүрэгт дархлагдсан нэгэн гэдэг. Аливаа баяр ёслолоор тойргийнхоо хүүхэд хөгшчүүлийг багахан гарын бэлгээр өөртөө татчихдаг зальтай эрхэм. Тэр Сонгинохайрханчуудыг хэрхэн үгэндээ оруулахаа мэддэг. Харин энэ удаад нам солин гүйсэн түүнд тойргийнхон нь ам муутай байгаа сурагтай. “МАХН-ын гишүүн Д.Тэрбишдагвыг сонгосон байтал бидний саналыг үл тоож МАН-д элслээ” хэмээн буруутгах хөгшид ч олон байгаа сурагтай.
“Бишрэлт”-ийн бизнес хатагтай Б.Ундармаа
Б.Ундармаа нь 2012 оны нэгдүгээр сард БСШУ-ны дэд сайдаар томилогдсон томилогдож байв. Түүний хувьд 1964 онд төрсөн. Инженер-эдийн засагч, удирдлага зохион байгуулалтын мэргэжилтэй. Эдийн засгийн ухааны доктор. 1995-2003 онд "Бишрэлт" группийн захирал, 2008-2012 онд "Гэр бүл хөгжил төв"ийн тэргүүнээр ажиллаж байжээ.Тэрбээр мөн 2002 оноос хойш МАСЭХолбоо, НАМЭХолбоонд удирдах зөвлөлийн гишүүн, тэргүүлэгч, 2004 оноос хойш Нийслэлийн иргэдийн төлөөлөгчдийн хуралд тэргүүлэгч, 2007 оноос хойш МАН Бага хурлын гишүүн, 2008 оноос хойш Нийслэлийн иргэдийн төлөөлөгчдийн хуралд нийгмийн бодлогын хороон даргын сонгуульт ажил хийж ирсэн байна.
П.УНДРАМ
Оллоо.мн