Д.Лүндээжанцантай өрсөлдөхийн тулд нэрээ П.Лүндээжанцан болгожээ
/Сүүлд солигдсон нэр П.Лүндээжанцан/
/ Анх ТТЭНН-аасП.Бямбачулуун нэрээр нэр дэвшигчийг зарлаж байв/

УИХ-ын 2016 оны сонгуульд Баянгол дүүргийн 70 дугаар тойрогт МАН-аас УИХ-ын гишүүн Д.Лүндээжанцан, АН-аас З.Энхболд, МАХН-аас Ч.Амарбаяр, ТТЭНН-аас П.Бямбачулуун нарын хүмүүс өрсөлдөхөөр болоод байв.

Гэвч энэ тойрогт гэнэт л хоёр Лүндээжанцан өрсөлдөхөөр болсон тухай эх сурвалжууд мэдээллээ.

Учир нь Тусгаар тогтнол эв нэгдлийн намаас 70 дугаар тойрогт өрсөлдөх П.Бямбачулуун нэрээ сольсон байна. Товчхондоо Д.Лүндээжанцантай өрсөлдөхийн тулд П.Бямбачулуун гэх өөрийн нэрээ П.Лүндээжанцан болгосон байх.
Иргэний бүртгэлийн тухай хуулийн 18 дугаар зүйлд иргэний овог, эцэг, эхийн нэр, нэрээ өөрчлөхийг хуульчилсан  байдаг. Овог, эцэг, эхийн нэр, нэрээ солиход тодорхой үндэслэлүүдийг зааж өгсөн байдаг. Тухайлбал, дээрх бүртгэлүүдийг хийлгэхэд тус бүрийг нь иргэн зөвхөн ганцхан удаа хийлгэж болно.

Хэдийгээр нэр дэвшигч П.Бямбачулуун хуулийн дагуу өөрт оногдсон эрхээ эдэлсэн. Хамт нэр дэвшиж буй Д.Лүндээжанцантай ижил нэр авсан нь тохиолдол гэхэд хэтэрхий үнэмшилгүй юм.

Ямартай ч П.Бямбачулуун Д.Лүндээжанцантай өрсөлдөхийн тулд нэрээ Д.Лүндээжанцан болгоод авч. Энэ асуудал сонгуулийн хуультай зөрчилдөж байгаа эсэхийг албаныхан тодруулах биз.
 
П.УНДРАМ
Оллоо.мн
Бусдад түгээх
  • gplus
Got error 12 from storage engine