ИЗНН-ыг  сонгуульд оролцуулах шийдвэр гаргалаа
СЕХ-оос ИЗНН-ын ирүүлсэн бичиг баримт гарын үсгийн зөрчилтэй гэж үзэн, 2016 оны УИХ-ын сонгуульд өрсөлдөх намаар бүртгэхээс татгалзсан билээ. Тэгвэл  ИЗНН-ын дарга Ц.Ганхуяг тэргүүтэй гишүүд, дэмжигчид Захиргааны хэргийн шүүхэд хандаж уг асуудлаа шийдүүлжээ. Тодруулбал, Улсын Дээд шүүхийн Захиргааны хэргийн шүүх хуралдаанаар мөн хэргийг хянан хэлэлцээд нэхэмжлэлийн шаардлагыг бүхэлд нь хангаж, СЕХ-ны 5 дугаар сарын 2-ны өдрийн 48 тоот тогтоолыг хүчингүйд тооцож, ИЗНН-ыг 2016 оны Монгол Улсын Их Хурлын ээлжит сонгуульд оролцуулахаар бүртгэхийг СЕХ-д даалгаж, шийдвэрлэлээ.

Энэ талаар ИЗНН-ын дарга Ц.Ганхуяг “Өнөөдөр буюу тавдугаар сарын 30-ны байдлаар Улсын дээд шүүхийн шүүх хурал болж, хяналтын журмаар шийдвэр гаргасан. Уг шийдвэрээр манай нам 2016 оны УИХ-ын сонгуульд оролцох эрхтэй боллоо. Бид нэгэнт хууль ёсны дагуу буруугүй гэдгээ тогтоолгосон тул ойрын хоёр, гурав хоногт багтаад нэр дэвшүүлэх ажиллагаагаа явуулна” гэлээ.

Мөн өнөөдөр үдээс хойш СЕХ –нд нэр дэвшүүлэхдээ холбоотой холбогдох баримт бичгүүдээ хүргүүлэхээр бэлдэж байгаа аж.


 
П.УНДРАМ
Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin 2016-05-30 08:13:32
    medeej shuuh zuv shiidsen baina, 2 namaas busdiig yamar negen shalchir balchir shaltgaanaar songoh songogdoh erhiig zurchih bol mash buduuleg bmaar