Баасан гарагт УИХ-ын зургаа, долоон байнгын хорооны хуралдаан болж гишүүд төрийн ордны хэдэн танхимыг тойрч гүйлдсээр өдрийн хагасыг барсан гэхэд болно.
Хууль зүй, Нийгмийн бодлого, Төрийн байгуулалтын байнгын хорооны хуралдаанууд аанай л тогтсон хэвшлээр гишүүд нь гүйцэхгүй, арай эрт орж ирсэн зарим нь эвшээлгэж, гарч орж нурууныхаа чилээг гаргах зэргээр хөл хүндтэй бусдыгаа хүлээн хэрэндээ хөөрхөн бухимдацгааж харагдсан.
УИХ-ын идэвхтэй гишүүд болох О.Баасанхүү, Л.Эрдэнэчимэг, Ц.Оюунгэрэл, С.Дэмбэрэл нар хэзээний сурсан зангаараа арай л түрүүлж орж ирцгээснийхээ горыг эдэлж сандалдаа хадагдацгаасан. Тэдний дундаас С.Дэмбэрэл гишүүн байн, байн утсаараа ярьж нүд нь үргэлж хаалга тийш ширтээстэй 20-иод минут сууснаа “Та минь ээ, цаад эрхэм гишүүдээ дуудах арга байна уу” хэмээн тэсгэл алдан дуугарснаа тун удалгүй түргэн, түргэн алхсаар гарч одно лээ. Бодвол тамхилахаар яарсан бололтой төд удалгүй орж ирж танхимыг бүхэлд нь нэг сайн тойруулж харснаа сандалдаа шигдэж, утсаараа оролдож доош тонгойн суугаад чимээгүй болсон. Бодвол цаг барьдаггүй бусад гишүүддээ хэлэх үг олдохгүй өөрийгөө түр ч гэсэн тайвшруулахаар гар утсандаа найдсан хэрэг болов уу. С.Дэмбэрэл гишүүний тэвчээрээ гэж.
Хууль зүй, Нийгмийн бодлого, Төрийн байгуулалтын байнгын хорооны хуралдаанууд аанай л тогтсон хэвшлээр гишүүд нь гүйцэхгүй, арай эрт орж ирсэн зарим нь эвшээлгэж, гарч орж нурууныхаа чилээг гаргах зэргээр хөл хүндтэй бусдыгаа хүлээн хэрэндээ хөөрхөн бухимдацгааж харагдсан.
УИХ-ын идэвхтэй гишүүд болох О.Баасанхүү, Л.Эрдэнэчимэг, Ц.Оюунгэрэл, С.Дэмбэрэл нар хэзээний сурсан зангаараа арай л түрүүлж орж ирцгээснийхээ горыг эдэлж сандалдаа хадагдацгаасан. Тэдний дундаас С.Дэмбэрэл гишүүн байн, байн утсаараа ярьж нүд нь үргэлж хаалга тийш ширтээстэй 20-иод минут сууснаа “Та минь ээ, цаад эрхэм гишүүдээ дуудах арга байна уу” хэмээн тэсгэл алдан дуугарснаа тун удалгүй түргэн, түргэн алхсаар гарч одно лээ. Бодвол тамхилахаар яарсан бололтой төд удалгүй орж ирж танхимыг бүхэлд нь нэг сайн тойруулж харснаа сандалдаа шигдэж, утсаараа оролдож доош тонгойн суугаад чимээгүй болсон. Бодвол цаг барьдаггүй бусад гишүүддээ хэлэх үг олдохгүй өөрийгөө түр ч гэсэн тайвшруулахаар гар утсандаа найдсан хэрэг болов уу. С.Дэмбэрэл гишүүний тэвчээрээ гэж.
Өглөөний сонин