ИЗНН шүүхэд хандахаа мэдэгдлээ
ИЗНН-ын Нийслэлийн намын хорооноос тус намын нэр дэвшигчдийг Нийслэлийн ИТХ- ын 2016 оны ээлжит сонгуульд оролцуулахаар бүртгэхээс Нийслэлийн сонгуулийн хороо татгалзсантай холбогдуулан өнөөдөр мэдээлэл хийлээ. 

Нийслэлийн сонгуулийн хорооны 2016.05.17-ны өдрийн дугаар 13 тоот татгалзсан тогтоол ИЗНН-ын Нийслэлийн намын хороо Нийслэлийн ИТХ-ын 2016 оны сонгуульд нэр дэвшүүлсэн тухай шийдвэрийн хавсралт байхгүй, нэр дэвшүүлсэн ажиллагааны тэмдэглэл, нэр дэвшигчийн жагсаалт зөрүүтэй байгаа нь Сонгуулийн тухай хуулийн 155.3, 157.2-т заасан заалтуудыг тус тус зөрчигдсөнд тооцсон хэмээн үзсэн байна.

ИЗНН-ын Нийслэлийн намын хороо нь Сонгуулийн тухай хуулийн 157 дугаар зүйл “Нэр дэвшигчийг бүртгэх” гэсэн заалтын бүрдүүлэх материалыг нэг бүрчлэн бүрдүүлж өгсөн бөгөөд хуульд зааснаас илүү “нэмэлт” материалыг Сонгуулийн хорооноос шаардсан тохиолдолд гаргаж өгөх үүрэгтэй. 

Нийслэлийн сонгуулийн хороо 2016.05.17-ны өдрийн дугаар 29 тоот албан бичгээрээ өөрийн эрх, үүргийн хүрээнд нэмэлт материалыг шаардсан бөгөөд тухайн албан бичигт одоогийн түдгэлзүүлсэн үндэслэл болсон хавсралтын талаар огт дурдаагүй, нэр дэвшүүлэх ажиллагааны тэмдэглэлийг тодруулж авсан, нэр дэвшигчдийн жагсаалтын зөрүүтэй холбоотой тайлбарыг материалын хамт хүлээлгэн өгсөн  хэмээн ИЗНН-ынхан мэдэгдлээ.

Иймд Нийслэлийн сонгуулийн хорооны бүртгэхээс татгалзсан шалтгаан нь эрх зүйн хувьд ИЗНН-ын Нийслэлийн намын хорооны нэр дэвшигчдийн 2016 оны Нийслэлийн ИТХ-ын сонгуульд оролцуулахаар бүртгэхээс татгалзах үндэслэл болохгүй хэмээн үзэж байна гэсэн юм.

ИЗНН-ын Нийслэлийн намын хороо Сонгуулийн тухай хуулийн 111.4.1-т заасны дагуу Захиргааны хэргийн анхан шатны шүүхэд нэхэмжлэл гарган Нийслэлийн сонгуулийн хорооны 2016.05.17-ны өдрийн дугаар 13 тоот шийдвэрийг хүчингүй болгуулахын төлөө ажиллана хэмээн хэвлэлийн бага хурлын үеэр мэдэгдлээ. 
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2016-05-20 04:44:53
    АН-ыг дагаж гүйгээд байсан, ингэж хулхидуулна ш дээ, та нарыг байтугай бүхэл бүтэн улс орныг,, Хүн шиг амьдруулна, улс шиг хөгжинө,,, гээд л годройтуулдаг нам ...