“Монос”-ын үйлдвэрлэсэн зарим тосны хүчинтэй хугацаа тодорхойгүй байжээ

Мэргэжлийн хяналтын ерөнхий газраас 16 аймаг, нийслэл, дүүрэгт үйл ажиллагаа явуулдаг эм ханган нийлүүлэх 49 байгууллага, 153 эмийн сан, хоёр эмийн үйлдвэрт урьдчилан сэргийлэх хяналт хийсэн байна.Баян-Өлгий, Дорнод, Сүхбаатар, Ховд аймаг эм, биобэлдмэлийн хяналтын улсын байцаагчгүй тул хяналт хийх боломжгүй байсан бол Дундговь аймаг тодорхойгүй шалтгаанаар хийгээгүй аж.

Зах зээлд худалдаж байгаа хуурамч, улсын бүртгэлд бүртгэгдээгүй, чанар, стандартын шаардлага хангаагүй эм, биологийн идэвхт бүтээгдэхүүн, эмнэлгийн хэрэгслийг илрүүлэх, зах зээлээс буцаан татах, иргэдэд сэрэмжлүүлэх нь хяналтын зорилго байсан гэв. Энэ оны дөрөвдүгээр сарын 07-14-ний өдрүүдэд хийсэн урьдчилан сэргийлэх хяналтын дүнг Мэргэжлийн хяналтын ерөнхий газрын Даргын зөвлөлийн өчигдрийн хурлаар хэлэлцжээ.

Эм хангамжийн байгууллагууд эмийн бүртгэлд бүртгэгдээгүй, хүчинтэй хугацаа, цуврал, үйлдвэрлэгч тодорхойгүй буюу стандартын шаардлага хангаагүй эмээр үйлчилдэг, эмийн сангууд өөрсдийн бэлтгэсэн эм, бэлдмэлээ бусад эмийн сан, эм ханган нийлүүлэх байгууллагад түгээдэг зэрэг нийтлэг зөрчил илэрчээ.Тухайлбал, “Мон-Адонис”, “Түшиглэн”, “Астрафарм”, “Мөнхийн тун” компанид үйлдвэрлэж зах зээлд нийлүүлсэн витамин С уусмал улсын стандартгүй, эмийн бүртгэлд бүртгэгдээгүй байна. Мөн “Монос” эмийн үйлдвэрийн 20 граммаар савласан 10 хувийн стрептоцидтой тос, мөн хэмжээтэй хоёр хувийн салицилтэй тос, 20 грамеын вазелины хүчинтэй хугацааны хугацаа тодорхойгүй байжээ. Эдгээрийг буцаан татан авч дуусах хүртэл худалдан борлуулахыг тухайн үед хоригложээ.

Улсын байцаагчид 20 байгууллагад 120 заалттай албан шаардлагаар хугацаатай үүрэг даалгавар өгсөн байна. Түүнчлэн эмийн бүртгэлд бүртгэгдээгүй 20, хэрэглэх хүчинтэй хугацаа дууссан 60, стандартын шаардлага хангаагүй 69 нэрийн цуврал эм, эмнэлгийн  хэрэгслийг хураан авчээ.  Үүний зэрэгцээ эм зүйч, эм найруулагч нарт мэргэжил, арга зүйн зөвлөгөө өгч ажиллажээ.

Гарсан зөрчил, дутагдлыг дахин давтахгүй байх чиглэлээр Эрүүл мэндийн яам, эм хангамжийн байгууллага, эмийн сан, үйлдвэр, аймаг, нийслэлийн Мэргэжлийн хяналтын байцаагч нар ямар арга хэмжээ авахыг тусгасан Монгол Улсын Ерөнхий байцаагчийн албан даалгавар хүргүүлэхээр болсон аж.

Б.Сансартуяа

Оллоо.мн
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2014-06-28 10:32:52
    наад мэдээ чинь ноцтой асуудал байна шүү.Ялангуяа Монос...уг нь эдний хувьд бодож төлөвлөж байсан сайхан санаанууд байгаа юмсан.Экспортонд авах бодолтой байсан чинь болихоос доо...