“Сайн хашаа” хөтөлбөр хэрэгжүүлэхийг үүрэг болголоо

“Шийдлийн цаг” уулзалтаар гэр хорооллын хашаа байшинтай өрхийн асуудлыг шийдвэрлэх талаар ярилцлаа. Уулзалтад Нийслэлийн Засаг дарга бөгөөд Улаанбаатар хотын Захирагч Э.Бат-Үүл, Сангийн яамны Төрийн нарийн бичгийн дарга Х.Ганцогт, Төрийн банкны гүйцэтгэх захирал Б.Баттүвшин нар оролцлоо.

Ерэн он, нийгмийн тогтолцоо өөрчлөгдсөнөөс хойш малыг малчдад нь, орон сууцыг эзэмшигчдэд нь үнэгүй хувьчилсан. Нийгмийн нэг том бүлэг энэ дунд орхигдсон. Энэ нь Улаанбаатар хот, аймаг, сумын төвийн гэр хорооллын оршин суугчид, хашаа байшинтай хүмүүс. Тиймээс эхний ээлжинд  хамгийн их хүн амтай Улаанбаатар хотын гэр хороолын хашаа байшинд амьдарч байгаа хүмүүсийн нийгмийн асуудлыг шийдвэрлэх зорилгоор “Шийдлийн цаг”-аа хийж байна гэж Ерөнхий сайд Ч.Сайханбилэг уулзалтын эхэнд хэллээ.

Хашаа байшинд амьдарч буй иргэдийн тоо сүүлийн жилүүдэд эрчимтэй өсч байна. Одоогийн байдлаар Улаанбаатар хотод 107 мянга орчим өрх хашаа байшинд амьдарч байна гэж Нийслэлийн Засаг дарга бөгөөд Улаанбаатар хотын Захирагч Э.Бат-Үүл танилцууллаа.

Улаанбаатар хотын захиргаа, Нийслэлийн Засаг даргын Тамгын газрын зүгээс өнгөрсөн жилүүдэд гэр хорооллын дахин төлөвлөлтийн талаар тодорхой ажлуудыг хийсэн. Орон сууцны шинэ хорооллыг 7 байршил 24 нэгж талбайд барих, мөн 9 байршилд хашаа байшингийн эзэмшигч хувьцаа эзэмшигч болж, шинэ баригдах барилгын тодорхой давхар барилгуудыг өөрөө бариад үлдсэнийгээ барилгын компанитай хамтран хувьцаа эзэмшигчийн хувиар зарж борлуулах ажил юм.

Гэр хорооллын дахин төлөвлөлтийн гурав дахь том давалгааг эхлүүлэн, эхний ажлуудад багтаж чадаагүй хашаа байшинтай иргэд дахин төлөвлөлтөд хамрагдах боломжийг бүрдүүлэх хэрэгтэй. Мөн  цэвэр бохир ус, халуун ус, боловсон бие засах газар гээд дэд бүтцийн асуудлыг шийдвэрлэх багц үйлчилгээг гэр, хашаа байшингийн хэрэглэгчдэд хүргэх шаардлагатай гэж Ерөнхий сайд үзэж байгаа юм. Энэ талаар Сангийн яам, Нийслэлийн Засаг даргын тамгын газар хамтран ажиллахыг үүрэг болголоо.

Засгийн газраас “Сайн оюутан”, “Сайн малчин”  хөтөлбөрийг баталсан. Цаашид “Сайн хашаа” хөтөлбөрийг хэрэгжүүлнэ. Хөтөлбөрийн хүрээнд гэр хорооллын дэд бүтцийн асуудлыг шийдвэрлэх чиглэлээр 5 жилийн хугацаатай, сард 100 мянган төгрөгөөс ихгүй буюу хоёр оронтой тоонд багтсан төлбөр төлөхөөр 10 сая хүртэлх төгрөгийн зээл олгох боломжтой. Хэрвээ 100 мянган төгрөгөөс дээш төлбөр төлөхөөр бол Засгийн газар төсвөөр дамжуулан, нийслэлийн захиргаа хамтарч, 50 хүртэлх хувийг төр болон хот хариуцна гэсэн хувилбараар эхний нэгээс хоёр жилд зээлийн төлбөрөөс чөлөөлөхөөр зохицуулахыг Ерөнхий сайд үүрэг болголоо.

Энэ нь хашаа байшинтай айл өрхүүдийн хувьд өнгөрсөн зуунд явагдсан “Соёлын хувьсгал”-тай дүйцэхүйц үйл явдал, Улаанбаатар хотын агаарын болон хөрсний бохирдлыг бууруулах, эрүүл орчинтой хот болгох том хувьсгалт ажил гэдгийг онцоллоо.

Гэр хорооллын бүсэд амьдарч буй иргэдийн амьдрах орчин нөхцөлийг сайжруулах, гэр хорооллыг инженерийн хэсэгчилсэн дэд бүтэцтэй хороолол болгон хөгжүүлэх “Сайн хашаа” хөтөлбөрийг боловсруулж, ирэх 7 хоногийн Засгийн газрын хуралдаанаар хэлэлцүүлэхийг Сангийн яам, Нийслэлийн Засаг даргын Тамгын газарт даалгалаа.

Эхний ээлжинд нийслэлийн хоёр, гуравдугаар бүсэд байгаа нийслэлийн 69200 өрхөд чиглэсэн бодлого явуулж, 200 тэрбум төгрөгийн санхүүжилтийг шийдвэрлэнэ. Дараагийн ээлжинд аймгийн төвүүдэд “Сайн хашаа” хөтөлбөр хэрэгжих юм гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin  2016-05-04 15:54:04
    hudlaa hutsaad ert yarj bhgui teneg durak saihanbileg yamarch chadvarggui hudlaa hiisver setgelgee uulen dund hovohoo bolioch gazar deer bid turj uhlee tenegted...
    103.57.93.185
    Мэдэгдсэн Хариулах
  • jochin 2016-05-04 12:21:39
    Ulaanbaatar hotod baigaa emnelguudiig hashaaguibolgoochee, neeh ltomhasha, adnaa mashin tavih tlbaigui, hashaag ni buulgj avtomashinii zogsooltoi bolgooshee
    202.9.41.64
    Мэдэгдсэн Хариулах
  • zochin 2016-05-04 11:53:54
    demjij bna yaj hamragdah yum boloo
    119.40.97.94
    Мэдэгдсэн Хариулах
  • зочин 2016-05-04 07:38:06
    Зев шийдэл бна.
    103.229.121.96
    Мэдэгдсэн Хариулах
  • zochin 2016-05-04 06:34:24
    ene yostoi zov shuu
    139.5.217.213
    Мэдэгдсэн Хариулах