Өнгөрсөн амралтын өдрүүдэд Увс аймгийн Тэс сумын Нарийны төмөр бетонон гүүр нурж унажээ. Азаар тухайн үед тээврийн хэрэгсэл явж таараагүй тул хүн бэртэж гэмтсэн хэрэг гараагүй байна. Одоогоор гүүр нурсан шалтгаан тодорхойгүй байгаа бөгөөд Тэс сумыг зорих автомашины хөдөлгөөн саатаад байгаа юм. Мөн тухайн гүүрийг барьсан компанид мэдэгдэл хүргүүлээд байгаа тухай албаны эх сурвалж мэдэгдэв.
Уг гүүр 2012 оны есдүгээр сард ашиглалтад орж байжээ. Нийтдээ 5.3 тэрбум төгрөгөөр БНХАУ-ын хөрөнгө оруулалттай “Эйч Кэй Би интернэшнл” ХХК барьж байгуулжээ.
Тус гүүрийг барьж байгуулах ажил үүнээс нэлээд олон жилийн өмнө эхэлж байжээ. Тодруулбал уг гүүрийг барих тендерт 2007 онд “Мөнхжим Өргөө” ХХК шалгарч, 1.8 тэрбум төгрөгөөр барихаар болсон байна. Гэвч олон жил ажлаа хийлгүй төсөвт өртгөө нэмснээс үүдэж гүйцэтгэгч компанийг нь ийн сольсон байна. Ингээд улсын төсвийн хөрөнгө оруулалтаар “Эйч Кэй Би интернэшнл” ХХК жил гаруйн хугацаанд барьж, ашиглалтад оруулжээ.
Гэвч улсын төсвөөс багагүй мөнгө гаргуулсан уг гүүр дөрөвхөн жилийн настай байжээ. 5.3 тэрбум төгрөгөөр баригдсан төмөр бетонон гүүр дөрвөн жилийн дараа ийн нурж унасанд нутгийн иргэд гүйцэтгэгч компанийг буруутгаж байна. Хэрэв тухайн үед хүн явж таарсан бол яах байсан юм бэ хэмээн тэд халаглаж сууна. Манайд ганц энэ гэлтгүй төсвөөс их хэмжээний мөнгө гаргуулж авчихаад гүйцэтгэлийг хангалтгүй хийдэг тохиолдол байнга шахуу гардаг. Харин энэ бүхнийг хянаж, шалгах үүрэгтэй Мэргэжлийн хяналт, улсын комиссынхон нүдэн балай чихэн дүлий явсаар эцэст нь иргэд хохирч үлдэж байна.
Түүнчлэн сүүлийн жилүүдэд Увс аймагт хоёр том гүүрийн ажил хийгдэн бөгөөд тэдгээрийн тендерт “Мөнхжим Өргөө” ХХК шалгарч гүйцэтгэлийн ажлыг хийж эхэлжээ. Тодруулбал 2005 онд Тээлийн голын гүүр, 2007 онд Нарийны голын гүүрийн ажлыг авсан ч харамсалтай нь дуусгаж чадалгүй өөр компанид шилжүүлсэн байна.
Харин энэ тухай тайлбарлахдаа эдийн засгийн хямрал нүүрлэснээс болоод улсын төсвөөс батлагдсан мөнгөнд тааруулах боломжгүй болсон хэмээн хэдэн шон босгож орхиод 2011 он хүртэл гацааж орхижээ. Энэ хэргээс үүдэж Увс аймгийн Засаг дарга Э.Цасчихэрийг АТГ-т шалгаж байгаад шүүхийн шатанд Нарийны гүүрийн барилгын ажилд холбогдох хэргийг хэрэгсэхгүй болгож, Төрийн албан хаагч албаны эрх мэдлээ урвуулан ашигласан гэх үндэслэлээр ял оноосон байдаг юм.
Уг гүүр 2012 оны есдүгээр сард ашиглалтад орж байжээ. Нийтдээ 5.3 тэрбум төгрөгөөр БНХАУ-ын хөрөнгө оруулалттай “Эйч Кэй Би интернэшнл” ХХК барьж байгуулжээ.
Тус гүүрийг барьж байгуулах ажил үүнээс нэлээд олон жилийн өмнө эхэлж байжээ. Тодруулбал уг гүүрийг барих тендерт 2007 онд “Мөнхжим Өргөө” ХХК шалгарч, 1.8 тэрбум төгрөгөөр барихаар болсон байна. Гэвч олон жил ажлаа хийлгүй төсөвт өртгөө нэмснээс үүдэж гүйцэтгэгч компанийг нь ийн сольсон байна. Ингээд улсын төсвийн хөрөнгө оруулалтаар “Эйч Кэй Би интернэшнл” ХХК жил гаруйн хугацаанд барьж, ашиглалтад оруулжээ.
Гэвч улсын төсвөөс багагүй мөнгө гаргуулсан уг гүүр дөрөвхөн жилийн настай байжээ. 5.3 тэрбум төгрөгөөр баригдсан төмөр бетонон гүүр дөрвөн жилийн дараа ийн нурж унасанд нутгийн иргэд гүйцэтгэгч компанийг буруутгаж байна. Хэрэв тухайн үед хүн явж таарсан бол яах байсан юм бэ хэмээн тэд халаглаж сууна. Манайд ганц энэ гэлтгүй төсвөөс их хэмжээний мөнгө гаргуулж авчихаад гүйцэтгэлийг хангалтгүй хийдэг тохиолдол байнга шахуу гардаг. Харин энэ бүхнийг хянаж, шалгах үүрэгтэй Мэргэжлийн хяналт, улсын комиссынхон нүдэн балай чихэн дүлий явсаар эцэст нь иргэд хохирч үлдэж байна.
Түүнчлэн сүүлийн жилүүдэд Увс аймагт хоёр том гүүрийн ажил хийгдэн бөгөөд тэдгээрийн тендерт “Мөнхжим Өргөө” ХХК шалгарч гүйцэтгэлийн ажлыг хийж эхэлжээ. Тодруулбал 2005 онд Тээлийн голын гүүр, 2007 онд Нарийны голын гүүрийн ажлыг авсан ч харамсалтай нь дуусгаж чадалгүй өөр компанид шилжүүлсэн байна.
Харин энэ тухай тайлбарлахдаа эдийн засгийн хямрал нүүрлэснээс болоод улсын төсвөөс батлагдсан мөнгөнд тааруулах боломжгүй болсон хэмээн хэдэн шон босгож орхиод 2011 он хүртэл гацааж орхижээ. Энэ хэргээс үүдэж Увс аймгийн Засаг дарга Э.Цасчихэрийг АТГ-т шалгаж байгаад шүүхийн шатанд Нарийны гүүрийн барилгын ажилд холбогдох хэргийг хэрэгсэхгүй болгож, Төрийн албан хаагч албаны эрх мэдлээ урвуулан ашигласан гэх үндэслэлээр ял оноосон байдаг юм.
Б.Сансар
olloo.mn