Ч.Сайханбилэг: Үндэсний үйлдвэрүүд чанартай бүтээгдэхүүн хийж чадаж байна
Металлург, машин байгууламжийн салбарт үйл ажиллагаа явуулж байгаа компаниуд “ТОГТВОРТОЙ ЗАХИАЛГА, ТОГТВОРТОЙ ҮЙЛДВЭРЛЭЛ, ТОГТВОРТОЙ АЖЛЫН БАЙР” сэдэвт үзэсгэлэнг “Экологбус” ХХК-ийн байранд зохион байгуулж байна. Лхагва гариг бүрт болдог “Шийдлийн цаг” уулзалтаар Монгол Улсын Ерөнхий сайд Ч.Сайханбилэг тус үзэсгэлэнд оролцож, аж үйлдвэрлэлийн салбарт үйлдвэрлэл эрхэлж байгаа компанийнхантай уулзан санал хүсэлтийг нь сонсч, тэдний бүтээгдэхүүнтэй танилцлаа.

Аж үйлдвэрийн салбарт төрөөс баримтлах бодлого гарч, Үйлдвэрлэлийг дэмжих тухай хууль батлагдсаны болон үйлдвэрүүдийг хөрөнгө санхүүгээр дэмжсэний үр дүн энэ үзэсгэлэнгээс харагдаж байна.

Чингис бондын хөрөнгийн 28 хувийг зам барилга, 72 хувийг үйлдвэрлэлийг дэмжихэд зориулсан. Тухайлбал, бондын хөрөнгөөс 1200 үйлдвэр санхүүжилт авсан гэдгийг Ерөнхий сайд Ч.Сайханбилэг хэллээ.



Дотооддоо үйлдвэрлэж чадаж байгаа бараа бүтээгдэхүүнтэй ижил төрлийн бараа бүтээгдэхүүний гаалийн татварт зохицуулалт хийж байгаа. Засгийн газрын хуралдаанаар саяхан шийдвэр гарч 44 төрлийн бүтээдэхүүний гаалийн татварын хэмжээг өөрчилсөн. Энэ бодлого цаашид үргэлжилнэ гэдгийг Ерөнхий сайд үйлдвэрлэгчидтэй уулзахдаа тэмдэглэлээ.

Бүтээгдэхүүн гаргах түүхий эдийн асуудлыг шийдэж өгөх, бэлэн болсон бүтээгдэхүүний борлуулалт, марктингийн асуудалд анхаарч өгөхийг үйлдвэрлэгчид Ерөнхий сайдаас хүсч байлаа.  

 “Монголчууд үйлдвэрлэж чадаж байна. Илчит тэрэгний 20 зүтгүүр бэлэн байна. 20 автобус үйлдвэрлээд зах зээлд нийлүүлсэн байна. Эксковатор хийж эхэлж байна. Жижиг тоног төхөөрөмж, эд анги биш эцсийн бүтээгдэхүүн үйлдвэрлэх чадвартай болжээ. Засгийн газар аж үйлдвэрийг дэмжсэн бодлогынхоо дараагийн алхмыг хийх шаардлагатай болжээ. Үйлдвэр аж ахуйн нэгжүүдийн борлуулалт, марктинг, худалдан авалт, хил гааль, татварын бодлогод анхаарах цаг иржээ. Үндэсний үйлдвэрүүд чанартай бүтээгдэхүүн хийж чадаж байгаа ийм тохиолдолд төр бодлогоор дэмжинэ гэдгийг Ерөнхий сайд онцолж байлаа.

Төсвийн хөрөнгө оруулалтаар авах бараа бүтээгдэхүүнээ дотоодын үйлдвэрээс авах зарчим баримтлах нь зүйтэй. Тухайлбал, эх орны үйлдвэрийн экобусыг нийтийн тээвэрт явуулж эхэлсэнд нийслэлчүүд сэтгэл хангалуун байдаг. Дулаахан, тохитой гэж үнэлдэг. Тухайлбал, нийслэл 2500 автобус авах ёстой. Үүний тулд жил бүр тендер шалгаруулалт явуулна гэдэг хүндрэлтэй. 2500 автобусны захиалгаа үндэсний үйлдвэрт нэг дор өгчихвөл тус үйлдвэрт хөрөнгө оруулалтын том дэмжлэг болно. Бид ийм бодлого барьж ажиллаж байгаа гэж Нийслэлийн Засаг дарга бөгөөд Улаанбаатар хотын Захирагч Э.Бат-Үүл хэллээ.

Монголд суурь аж үйлдвэр, ган хайлан үйлдвэр байгуулах нь тулгамдсан асуудал болжээ гэдгийг энэ үзэсгэлэн харуулж байна. Өөрөөр хэлбэл, дагалдах үйлдвэрүүдэд ийм хүлээлт үүсчээ. Төмөр металь хийцийн үндсэн түүхий эдийг үйлдвэрлэчихвэл манай улсад металлургийн үйлдвэрийн хувьсгал болно. Ган хайлах үйлдвэрийн техник эдийн засгийн үндэслэлийг хийх компанийг шалгаруулах ажил явагдаж байгаа. Дарханы ган хайлах төмөрлөгийн үйлдвэрийн үндсэн суурийг энэ оны зургадугаар сард тавина. Тус үйлдвэрийн түүхий эдийг татах ажил үндсэндээ дууссан гэж Аж үйлдвэрийн сайд Д.Эрдэнэбат хэлж байна гэж Засгийн газрын Хэвлэл мэдээлэл, олон нийттэй харилцах албанаас мэдээллээ.



Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Mongol  2016-04-21 02:10:00
    MАН , МАХН 2 авилга , газрын наймаачин АН сайн ажиллаж байгаа шүү МОНГОЛЧУУДАА АРДЧИЛСАН ЗАСГАА ДЭМЖЬЕ.ХЭЗЭЭ ИЙМ БАЙЛАА.АМЖИЛТ ХҮСЬЕ
  • Сугар 2016-04-20 10:49:17
    Шинэ автобус авах бүх мөнгөө энэ компани руу шилжүүлчихвэл том дэмжлэг болно. Дээр нь засвар үйлчилгээ чанар бүх юм дагаад сайжирна.
  • БАВАА 2016-04-20 08:50:34
    ЧИНГЭС, САМУУРАЙ БОНДЫН МӨНГӨ НЭХЭГДЛЭХЭЭС АЙГААД Л ЯВНА ДАА ХӨӨРХИЙ АГУУ ИХ УДИРДАГЧ ҮЙЛДВЭРИЙГ ГАЗАР ДЭЭР НЬ УДИРДАЖ БАЙГАА НЬ. ГЭЖ ХЭЛВЭЛ ТААРАНА ДАА
  • bcvgnc 2016-04-20 08:35:45
    МОНГОЛЧУУДАА АРДЧИЛСАН ЗАСГАА ДЭМЖЬЕ.ХЭЗЭЭ ИЙМ БАЙЛАА.АМЖИЛТ ХҮСЬЕ