МАН-ын Бага хурлын гишүүд 2016 оны сонгуульд дангаараа оролцох дээр 100 хувь санал нэгдлээ. СЕХ-ны албан тоотоор намууд сонгуульд оролцох мөрийн хөтөлбөрөө энэ сарын 20-оос өмнө буюу өнөөдөр дуусгавар болго гэсэн. Иймээс МАН эцсийн шийдвэрээ гаргахаас өөр аргагүйд хүрэв. Н.Энхбаяр ч үлгэр бүхэн сайхан төгсгөлтэй байдаггүйн жишээг МАН-ынханд харуулж чадлаа. Ер нь түүний өнгөрсөн амралтын өдрөөр Гуулин улсаас эх орноо зорин ирсэн шалтгаан нь энэ.
Өчигдөр МАХН-ынхан МАН-д өгсөн зарим амлалтуудаасаа буцаж эхлэв. Тухайлбал тэд ирэх сонгуульд оролцох квотыг тогтоохдоо МАН 80, 20 МАХН байхаар мөн засаг дарга, ИТХ авсан суудлаас үл хамааран сөөлжилж тавина хэмээн тохирчээ. Уг нь тэд санамж бичигтээ өмнө нь тавьсан саналаасаа буцахгүй гэсэн заалт оруулсан байж. МАН-ынхан ч “ Хугацаа ийм богино байхад тохиролцооноосоо буцаж байгаад харамсч байна” хэмээн матрын нулимс унагасаар үлдэв. Төгсгөлд нь МАХН-ын ажлын хэсэгт санамж бичигт оруулах саналаа буцааж авах, эцсийн хариугаа өгсөнгүй. Ингэснээр МАН аргагүйн эрхэнд 2016 оны сонгуульд дангаараа оролцохоо мэдэгдэв.
Тэгвэл МАХН-ын МАН-аас татгалзах шалтгаан юу байв. Зарим эх сурвалжуудын мэдээлж байгаагаар МАХН-ынхан нууцхан хүслээ ил болгоод авсан сурагтай. Тэр нь эрхэм дарга Н.Энхбаярыгаа цагаатгуулах. Энэ хүслээ гүйцэлдүүлэхийн тулд тэд МАН-ыг утсан хүүхэлдэй болгоод авав. Н.Энхбаярын хувьд ямар ч гэм буруугүй гэдгээ хуулиар хүлээн зөвшөөрүүлж, УИХ-д нэр дэвших эрхээ олж авах нь нэн тэргүүний асуудал. Түүний энэ хүслийг гүйцэлдүүлэхээр зарим нэр бүхий гишүүд ханцуй шамлан ажиллаж эхэлсэн сурагтай. Энэ нь Өршөөл үзүүлэх тухай хуулийг хэрэгжүүлэх арга хэмжээ авах тухай тогтоолыг төслийн хэлэлцүүлэг. Тун энгийн бас ойлгомжтой. Нэг үгээр МАН-тай нэгдэнэ гэх Н.Энхбаярын сүрдүүлэг АН-ынханг хөдөлгөж чадав.
МАХН-ынхан өнөөдөр Бага хурлаа хуралдуулна. Тэдний хурлын шийдвэр улс төрийн хүрээнхэнд шинэ зүйл биш байх нь ойлгомжтой. Мэдээж МАН-ын сонгоогүй МАХН-нд АН-ын том “шагнал” хүртээх нь дамжиггүй.
Өчигдөр МАХН-ынхан МАН-д өгсөн зарим амлалтуудаасаа буцаж эхлэв. Тухайлбал тэд ирэх сонгуульд оролцох квотыг тогтоохдоо МАН 80, 20 МАХН байхаар мөн засаг дарга, ИТХ авсан суудлаас үл хамааран сөөлжилж тавина хэмээн тохирчээ. Уг нь тэд санамж бичигтээ өмнө нь тавьсан саналаасаа буцахгүй гэсэн заалт оруулсан байж. МАН-ынхан ч “ Хугацаа ийм богино байхад тохиролцооноосоо буцаж байгаад харамсч байна” хэмээн матрын нулимс унагасаар үлдэв. Төгсгөлд нь МАХН-ын ажлын хэсэгт санамж бичигт оруулах саналаа буцааж авах, эцсийн хариугаа өгсөнгүй. Ингэснээр МАН аргагүйн эрхэнд 2016 оны сонгуульд дангаараа оролцохоо мэдэгдэв.
Тэгвэл МАХН-ын МАН-аас татгалзах шалтгаан юу байв. Зарим эх сурвалжуудын мэдээлж байгаагаар МАХН-ынхан нууцхан хүслээ ил болгоод авсан сурагтай. Тэр нь эрхэм дарга Н.Энхбаярыгаа цагаатгуулах. Энэ хүслээ гүйцэлдүүлэхийн тулд тэд МАН-ыг утсан хүүхэлдэй болгоод авав. Н.Энхбаярын хувьд ямар ч гэм буруугүй гэдгээ хуулиар хүлээн зөвшөөрүүлж, УИХ-д нэр дэвших эрхээ олж авах нь нэн тэргүүний асуудал. Түүний энэ хүслийг гүйцэлдүүлэхээр зарим нэр бүхий гишүүд ханцуй шамлан ажиллаж эхэлсэн сурагтай. Энэ нь Өршөөл үзүүлэх тухай хуулийг хэрэгжүүлэх арга хэмжээ авах тухай тогтоолыг төслийн хэлэлцүүлэг. Тун энгийн бас ойлгомжтой. Нэг үгээр МАН-тай нэгдэнэ гэх Н.Энхбаярын сүрдүүлэг АН-ынханг хөдөлгөж чадав.
МАХН-ынхан өнөөдөр Бага хурлаа хуралдуулна. Тэдний хурлын шийдвэр улс төрийн хүрээнхэнд шинэ зүйл биш байх нь ойлгомжтой. Мэдээж МАН-ын сонгоогүй МАХН-нд АН-ын том “шагнал” хүртээх нь дамжиггүй.
П.УНДРАМ