09:00 цагт: "Эрчим хүчний барилга байгууламж, түүнд тавигдах шаардлага" зөвлөгөөн Улаанбаатар Дулааны сүлжээ ТӨХК-ийн байранд /Нарны гүүр даваад зүүн талд/ болно.

10:00 цагт: Нийслэлийн Агаарын чанарын алба, НҮБ-ын Хүүхдийн сантай хамтран ерөнхий боловсролын 80 сургуульд агаарын бохирдол ба Хүүхдийн эрүүл мэнд сэдэвт сургалт зохион байгуулж байна. Энэхүү сургалтын нээлт Чингэлтэй дүүргийн 61- дүгээр сургууль дээр болно.

10:00 цагт: Сүхбаатар дүүргийн 1-р цэцэрлэгийн 150 ортой өргөтгөлийн барилгын шав тавих арга хэмжээ болно.

10:00 цагт: Нийслэлийн Засаг дарга Э.Бат-Үүл болон холбогдох албаныхан нийслэлд хэрэгжиж байгаа гэр хорооллын дахин төлөвлөлтийн ажил болон газар шинэчлэн зохион байгуулах төслийн үйл явцтай танилцана.

11:00 цагт: Форд, Яахоо, Дэлл, Миксрософт зэрэг дэлхийд алдартай компаниудын чанарын стандартыг баталгаажуулсан олон улсын чанарын байгууллага Монголд төлөөлөгчийн газраа нээж байгаа талаар мэдээлэл Чех элчингийн хажуугийн скай оффисын хурлын танхимд хийнэ.

11:00 цагт: Үндэсний төв номын сан дээр Орон нутаг дахь уран бүтээлчдийн зөвлөл болон тус номын сангийн хамтын ажиллагааны нээлтийн арга хэмжээ болно.
 
11:00 цагт: Зуслангын газар өмчлөлийн ажил албан ёсоор нээгдэнэ. Хангарди ордны 14-н давхарт.

11:30 цагт: "Олон улсын бурханы шашинтны өдөр” -ийг тохиолдуулан МБШТөв Гандантэгчэнлин хийдийн Да лам мэндчилгээ дэвшүүлж, айлдвар сургаалиа айлдана.

11:30 цагт: Хан-Уул дүүрэгт шинээр барьж ашиглалтад оруулсан "Усан спорт, сургалтын төв"-ийн нээлтийн үйл ажиллагаа болно. /Хаяг ХУД-ын 16-р хороо, Буянт-Ухаа-1 хорооллын хойд талд, 7-р сургуулийн хажууд/

12:00 цагт: Хэвлэлийн хүрээлэнд Монгол улсаас төрсөн анхны дэлхийн аварга, мастер үсчин С.Мөнхнасан мэдээлэл хийнэ.

17:00 цагт: ХБК-н Хойд зааланд МУУГЗ, Хөгжмийн зохиолч Сангидорж агсны охин С.Саянцэцэг багшийн Монголд гарын шавь нарын нэгдсэн концерт болно .