Хятадын худалдааны яам Хойд Солонгос улсын эсрэг ямар ямар хориг арга хэмжээ авах тухайгаа өчигдөр мэдэгдлээ. Цөмийн зэвсгийн хөгжүүлэлт, баллистик пуужингийн хэд хэдэн удаагийн туршилт хийсэнтэй холбогдуулан НҮБ-ын Аюулгүйн зөвлөлөөс Пхеньяны эсрэг хориг арга хэмжээ авах шийдвэрийг гаргасан.

Тэгвэл энэ дагуу Хятад тус улсаас авах нүүрс болоод төмрийн хүдрийн импортоо хязгаарлахаар болсон байна. Гэхдээ хэрэглэгчдийн хэрэглээний зориулалтаар дээрх ашигт малтмалыг импортолж болох гэнэ.

Хятадын Гаалийн газраас мэдэгдсэнээр өнгөрсөн жил гэхэд хоёр улсын хооронд хийгдсэн нүүрсний худалдаа нэг тэрбум ам.долларт хүрч байжээ.