Боловсрол, Соёл, Шинжлэх Ухааны сайд тушаал гарган дээд боловсролын чанарын шинэчлэлийн хүрээнд Элсэлтийн Ерөнхий Шалгалтын босго оноог 400 байхаар тогтоожээ.

Өөрөөр хэлбэл элсэлтийн оноо доод тал нь 400 байх бөгөөд түүнээс дээш хэд байхыг их, дээд сургуулиуд өөрсдөө тогтоох юм байна.Яамны зүгээс ийнхүү босго оноог тогтоож өгснөөр дээд боловсролыг чанаржуулах ач холбогдолтой гэж үзжээ.

Уг тушаалаар их, дээд сургуулиуд өөрсдийн босго оноогоо 400 буюу түүнээс дээш байхаар тогтоож нээлттэй, ил тод мэдээлэхийг их, дээд сургууль, коллежийн захирлуудад үүрэг болгосон байна.