Дархан-Уул аймгийн Хонгор суманд хууль бусаар алт олборлож байсан хятад иргэд цианит натри, мөнгө усаар шороо угааж, их хэмжээний газрыг бохирдуулсан хэрэг 2007 онд гарсан. Үүнээс хойш тус нутгийн иргэд үл мэдэгдэх өвчнөөр өвчилж, мал амьтан ч элдэв гаж төл гаргах болсон. Энэ талаар сүүлийн хэдэн жилийн турш ярьж байгаа ч өнөө хэр нь Хонгор сумын асуудал бүрхэг хэвээр байгаа билээ.
Тухайн үед тус сумыг нүүлгэн шилжүүлэх шаардлагатай гэж байсан ч удаа дараа хийсэн шинжилгээний дүнд үндэслэн ийм арга хэмжээ аваагүй билээ. Учир нь хөрсөнд асгасан мөнгөн ус, цианит натрийн бохирдлыг цаг алдалгүй саармагжуулсан тул шинжилгээгээр хордлого илрээгүй гэж үзсэн. Харин сумын иргэдийн өргөдөл гомдол өнөө хэр дуусаагүй.
Энэхүү асуудлаар “Гал үндэстэн холбоо”-ноос өнөөдөр мэдээлэл хийж “Хонгор сум 2529 хүн амтай, үүнээс 80 гаруй нь хордлогоос үүссэн хорт хавдраар нас барж, 30 хүн мөн шалтгаанаар үхлээ хүлээж байна” хэмээн мэдэгдлээ.
Хүний их эмч Л.Баярсайхан “Мөнгөн ус нь хүний биед агаар, газрын хөрс, хоол унд гээд олон зүйлээр дамжин халдварладаг. Хүн агаар усгүйгээр амьдарч чадахгүй. Ийнхүү өвчилснөөр хүний эд эс хүчилтөрөгч хэрэглэж чадахгүйд хүрдэг. Мал төрийн хамгаалалтад байдаг бол мөнгөн усанд хордсон ард иргэдийг төрөөс анхаарч үзэх хэрэгтэй гэдгийг санууллаа.
Г.Уянга
оллоо.мн
Тухайн үед тус сумыг нүүлгэн шилжүүлэх шаардлагатай гэж байсан ч удаа дараа хийсэн шинжилгээний дүнд үндэслэн ийм арга хэмжээ аваагүй билээ. Учир нь хөрсөнд асгасан мөнгөн ус, цианит натрийн бохирдлыг цаг алдалгүй саармагжуулсан тул шинжилгээгээр хордлого илрээгүй гэж үзсэн. Харин сумын иргэдийн өргөдөл гомдол өнөө хэр дуусаагүй.
Энэхүү асуудлаар “Гал үндэстэн холбоо”-ноос өнөөдөр мэдээлэл хийж “Хонгор сум 2529 хүн амтай, үүнээс 80 гаруй нь хордлогоос үүссэн хорт хавдраар нас барж, 30 хүн мөн шалтгаанаар үхлээ хүлээж байна” хэмээн мэдэгдлээ.
Хүний их эмч Л.Баярсайхан “Мөнгөн ус нь хүний биед агаар, газрын хөрс, хоол унд гээд олон зүйлээр дамжин халдварладаг. Хүн агаар усгүйгээр амьдарч чадахгүй. Ийнхүү өвчилснөөр хүний эд эс хүчилтөрөгч хэрэглэж чадахгүйд хүрдэг. Мал төрийн хамгаалалтад байдаг бол мөнгөн усанд хордсон ард иргэдийг төрөөс анхаарч үзэх хэрэгтэй гэдгийг санууллаа.
Г.Уянга
оллоо.мн