Ашиглалтын хугацаа нь дууссан микро автобусыг ирэх сарын 1-нээс нийтийн тээврийн үйлчилгээ эрхлүүлэхгүй байх шийдвэрийг Нийслэлийн тээврийн газраас гаргаад байгаа.
Нийтийн тээврийн үйлчилгээнд өдөр бүр 900 гаруй автобус гардаг бол 390 гаруй микробус мөн зорчигчдод үйлчилгээ үзүүлж, ачаанаас үүрэлцдэг байна. Гэвч дийлэнхийнх нь буюу 350 гаруй микробусын ашиглалтын хугацаа дуусчээ. Нийтийн тээврийн үйлчилгээнд явах микробусын насыг үйлдвэрлэгдсэн оноор нь буюу 10 жилээр хязгаарладаг байна.
Улаанбаатар хотын нийтийн тээврийн үйлчилгээнд явж байгаа микробусын олонхи нь 2006 оноос өмнө үйлдвэрлэгдсэн байдаг аж.
Тэгвэл Тээврийн газраас гаргасан энэхүү шийдвэрийг микро автобусны жолооч нар эсэргүүцэж, өчигдөр төв талбай дээр жагсаал зохион байгууллаа. Тэд энэ үеэр Нийслэлийн нийтийн тээврийн газраас оны хязгаарлалт гэсэн шалгуураа цуцлахгүй бол цаашид тэмцлийн хурц хэлбэрийг сонгох болно хэмээн мэдэгдлээ.
Харин иргэдийн хувьд нийтийн тээврийн үйлчилгээ эрхлэгч том оврын автобуснуудыг микро автобусны явдаг маршрутыг нөхөж чадна гэвэл үйлчилгээ муутай тэдгээрийг үйлчилгээнд явуулахгүй байсан ч болно хэмээн саналаа хэлж буй.
Нийтийн тээврийн үйлчилгээнд өдөр бүр 900 гаруй автобус гардаг бол 390 гаруй микробус мөн зорчигчдод үйлчилгээ үзүүлж, ачаанаас үүрэлцдэг байна. Гэвч дийлэнхийнх нь буюу 350 гаруй микробусын ашиглалтын хугацаа дуусчээ. Нийтийн тээврийн үйлчилгээнд явах микробусын насыг үйлдвэрлэгдсэн оноор нь буюу 10 жилээр хязгаарладаг байна.
Улаанбаатар хотын нийтийн тээврийн үйлчилгээнд явж байгаа микробусын олонхи нь 2006 оноос өмнө үйлдвэрлэгдсэн байдаг аж.
Тэгвэл Тээврийн газраас гаргасан энэхүү шийдвэрийг микро автобусны жолооч нар эсэргүүцэж, өчигдөр төв талбай дээр жагсаал зохион байгууллаа. Тэд энэ үеэр Нийслэлийн нийтийн тээврийн газраас оны хязгаарлалт гэсэн шалгуураа цуцлахгүй бол цаашид тэмцлийн хурц хэлбэрийг сонгох болно хэмээн мэдэгдлээ.
Харин иргэдийн хувьд нийтийн тээврийн үйлчилгээ эрхлэгч том оврын автобуснуудыг микро автобусны явдаг маршрутыг нөхөж чадна гэвэл үйлчилгээ муутай тэдгээрийг үйлчилгээнд явуулахгүй байсан ч болно хэмээн саналаа хэлж буй.
Б.Сансар
olloo.mn