ХҮН-ын дотоод хагарал бутрал хэдий болтол үргэлжлэхийг таашгүй. Сонгуулийн өмнө энэ асуудал намжиж, намынхаа нэр хүндийг эргүүлэн авна гэдэг ч хүнд.
УИХ-ын гишүүн С.Ганбаатарыг Хөдөлмөрийн үндэсний намын дарга боллоо гэхэд хүмүүс нэг их гайхаагүй. Учир нь байх ёстой юм байрандаа очиж байгаа мэт л байсан. Учир нь ХҮН олны анхааралд анх өртөж эхлэхэд л түүний нэр хамт явж, тус намд элсэнэ, элсэхгүй, үүсгэн байгуулагч нь мөн биш, гэх хардлага таамгууд хөвөрсөөр байсан. Гэтэл тэрхүү олон сар үргэлжилсэн таамаг эцэстээ үнэн болж, С.Ганбаатар үүнийг батлан тус намын гишүүн болоод зогсохгүй дарга нь болсон. Иймээс л түүнийг очих ёстой газраа очсон мэт сэтгэгдэл олон хүнд төрж байсан.
Түүнийг намын залуус нь эсэргүүцнэ чинээ хэний ч санаанд ороогүй. Иймээс тус намын салбар хороо ч энд тэнд байгуулагдаж, гишүүнээр элсэх хүмүүсийн тоо ч бөөн бөөнөөрөө нэмэгдсээр байтал ХҮН-ынхан хуваагдаж, намаа, минийх чинийх хэмээн өмчлөх болж, хэнийх нь шийдвэр хууль дүрмийнх, хэнийх нь шийдвэр дүрмийн бус гэдгийг ялгах тун бэрхтэй байдал үүсээд байна. Энэ асуудал юунаас эхлэв гэхээр шинэхэн намын дарга С.Ганбаатар цагаан сарын өмнөхөн, битүүний өдөр намйнхаа нарийн бичгийн дарга Т.Доржхандыг албан тушаалаас нь огцруулах шийдвэр гаргасантай холбоотой.
Түүний энэ шийдвэрийг намын хэсэг залуус хууль бус хэмээн үзсэн юм. Мөн намын даргынх нь боловсролын асудал сөхөгдөж, нэг ч их дээд сургууль төгсөөгүй гэдэг нь нэгэнт тэднийг намын даргаа хүндлэхгүй байх үүсвэр болсон байх талтай. Энэ сарын 2-нд С.Ганбаатарыг эсэргүүцсэн ХҮН-ын залуус Төв хорооны хурлаа ээлжит бусаар 30 хүний ирцтэйгээр хуралдуулж, шинэ дарга, шинэ нарийн бичгийн даргаа сонгосон юм.
Тодруулбал, шинэ даргаараа Б.Найдалааг сонголоо. Ингэхдээ Намын Төв хорооны ээлжит бус хурлаараа Хариуцлагын ерөнхий хорооны шийдвэрийг үндэслэн С.Ганбаатарыг огцруулсан, “тэр дүрмийн бус шийдвэр гаргасан, хууль зөрчсөн, намыг хагалган бутаргасан” хэмээн тайлбар хийн, түүнийг намын даргаас огцруулж буйгаа мэдэгдсэн билээ. Тэгвэл маргааш нь буюу энэ сарын 3-нд С.Ганбаатар тэргүүтэй хүмүүс намынхаа Төв хорооны хурлыг хийн өчигдөр өөрийг нь огцруулснаа зарлаад байсан нөхдүүдэд арга хэмжээ авч, Б.Найдалааг намын дэд даргын суудлаас нь чөлөөлөв. Мөн бусад залууст арга хэмжээ авахаа мартсангүй. Уг хурлынхаа талаар С.Ганбаатар энэ хурал бол албан ёсных хэмээн мэдэгдсэн. Энэхүү албан ёсны хуралд 57 гишүүн ирэх ёстойгоос 47 гишүүн оролцсон ажээ.
Ийнхүү тус намын дотоод асуудал олонд ил болсноор тус намд итгэх ард олны итгэл хөсөр хаягдлаа. Үнэнийг хэлэхэд, С.Ганбаатарыг ХҮН-д орсон, бүр намын дарга нь боллоо гэхэд бусад улс төрийн хүчнүүд зүрхшээж байсан нь үнэн. Түүнээс ч болсон уу С.Ганбатаар луу чиглэсэн дайралтууд өдөр бүр үзэгдэх болов. Энэ ч яах вэ гэхэд, хамгийн аюултай нь тус намд итгэж байсан ард иргэдийн итгэл суларч, намын нэр хүнд газарт унав. Энэ л тэднийг ирэх сонгуулийн пиарыг үгүй хийж буй.
Нэг үгээр тус нам хагархай аяга шиг л болов. Аягыг буцааж нийлүүлэн бүтэн болгоно гэдэг бүтэшгүй. Тэгэхээр тус намынхан аль нэгнийгээ намаасаа хөөж байж л энэ асуудал дуусна. Хамгийн гол нь тэрхүү газарт унасан нэр хүндийг сонгууль болтол буцаан сэргээж, С.Ганбаатар ч нэрээ олж авна гэдэг хамгийн хүнд асуудал боллоо доо.
Г.Уянга
olloo.mn
УИХ-ын гишүүн С.Ганбаатарыг Хөдөлмөрийн үндэсний намын дарга боллоо гэхэд хүмүүс нэг их гайхаагүй. Учир нь байх ёстой юм байрандаа очиж байгаа мэт л байсан. Учир нь ХҮН олны анхааралд анх өртөж эхлэхэд л түүний нэр хамт явж, тус намд элсэнэ, элсэхгүй, үүсгэн байгуулагч нь мөн биш, гэх хардлага таамгууд хөвөрсөөр байсан. Гэтэл тэрхүү олон сар үргэлжилсэн таамаг эцэстээ үнэн болж, С.Ганбаатар үүнийг батлан тус намын гишүүн болоод зогсохгүй дарга нь болсон. Иймээс л түүнийг очих ёстой газраа очсон мэт сэтгэгдэл олон хүнд төрж байсан.
Түүнийг намын залуус нь эсэргүүцнэ чинээ хэний ч санаанд ороогүй. Иймээс тус намын салбар хороо ч энд тэнд байгуулагдаж, гишүүнээр элсэх хүмүүсийн тоо ч бөөн бөөнөөрөө нэмэгдсээр байтал ХҮН-ынхан хуваагдаж, намаа, минийх чинийх хэмээн өмчлөх болж, хэнийх нь шийдвэр хууль дүрмийнх, хэнийх нь шийдвэр дүрмийн бус гэдгийг ялгах тун бэрхтэй байдал үүсээд байна. Энэ асуудал юунаас эхлэв гэхээр шинэхэн намын дарга С.Ганбаатар цагаан сарын өмнөхөн, битүүний өдөр намйнхаа нарийн бичгийн дарга Т.Доржхандыг албан тушаалаас нь огцруулах шийдвэр гаргасантай холбоотой.
Түүний энэ шийдвэрийг намын хэсэг залуус хууль бус хэмээн үзсэн юм. Мөн намын даргынх нь боловсролын асудал сөхөгдөж, нэг ч их дээд сургууль төгсөөгүй гэдэг нь нэгэнт тэднийг намын даргаа хүндлэхгүй байх үүсвэр болсон байх талтай. Энэ сарын 2-нд С.Ганбаатарыг эсэргүүцсэн ХҮН-ын залуус Төв хорооны хурлаа ээлжит бусаар 30 хүний ирцтэйгээр хуралдуулж, шинэ дарга, шинэ нарийн бичгийн даргаа сонгосон юм.
Тодруулбал, шинэ даргаараа Б.Найдалааг сонголоо. Ингэхдээ Намын Төв хорооны ээлжит бус хурлаараа Хариуцлагын ерөнхий хорооны шийдвэрийг үндэслэн С.Ганбаатарыг огцруулсан, “тэр дүрмийн бус шийдвэр гаргасан, хууль зөрчсөн, намыг хагалган бутаргасан” хэмээн тайлбар хийн, түүнийг намын даргаас огцруулж буйгаа мэдэгдсэн билээ. Тэгвэл маргааш нь буюу энэ сарын 3-нд С.Ганбаатар тэргүүтэй хүмүүс намынхаа Төв хорооны хурлыг хийн өчигдөр өөрийг нь огцруулснаа зарлаад байсан нөхдүүдэд арга хэмжээ авч, Б.Найдалааг намын дэд даргын суудлаас нь чөлөөлөв. Мөн бусад залууст арга хэмжээ авахаа мартсангүй. Уг хурлынхаа талаар С.Ганбаатар энэ хурал бол албан ёсных хэмээн мэдэгдсэн. Энэхүү албан ёсны хуралд 57 гишүүн ирэх ёстойгоос 47 гишүүн оролцсон ажээ.
Ийнхүү тус намын дотоод асуудал олонд ил болсноор тус намд итгэх ард олны итгэл хөсөр хаягдлаа. Үнэнийг хэлэхэд, С.Ганбаатарыг ХҮН-д орсон, бүр намын дарга нь боллоо гэхэд бусад улс төрийн хүчнүүд зүрхшээж байсан нь үнэн. Түүнээс ч болсон уу С.Ганбатаар луу чиглэсэн дайралтууд өдөр бүр үзэгдэх болов. Энэ ч яах вэ гэхэд, хамгийн аюултай нь тус намд итгэж байсан ард иргэдийн итгэл суларч, намын нэр хүнд газарт унав. Энэ л тэднийг ирэх сонгуулийн пиарыг үгүй хийж буй.
Нэг үгээр тус нам хагархай аяга шиг л болов. Аягыг буцааж нийлүүлэн бүтэн болгоно гэдэг бүтэшгүй. Тэгэхээр тус намынхан аль нэгнийгээ намаасаа хөөж байж л энэ асуудал дуусна. Хамгийн гол нь тэрхүү газарт унасан нэр хүндийг сонгууль болтол буцаан сэргээж, С.Ганбаатар ч нэрээ олж авна гэдэг хамгийн хүнд асуудал боллоо доо.
Г.Уянга
olloo.mn