09:00 цагт: “Хэрэглэгчээ дээдэлсэн эрүүл мэндийн салбар” Удирдах ажилтны зөвлөгөөн  Эрүүл мэнд спортын яамны “Б“ зааланд болно. Энэхүү зөвлөгөөнд төрийн болон ТББ хот хөдөөгийн нийт 170 гаруй төлөөлөгчид оролцож Эрүүл мэндийн салбарт гарсан ололт амжилт, цаашид хийж хэрэгжүүлэх ажлаа тодорхойлох юм. Утас: 99991633, 86885060 09:30 цагт: Хүн амын хөгжил, нийгмийн хамгааллын яам, Жендэрийн Үндэсний Хороо, НҮБ-ын Хүн Амын Сангийн дэмжлэгтэйгээр Олон Улсын Эмэгтэйчүүдийн Эрхийг хамгаалах өдрийг угтаж “Жендэрт суурилсан хүчирхийллийн эсрэг хамтдаа” нөлөөллийн арга хэмжээний хүрээнд “Гэр бүлийн хүчирхийллийн эсрэг Эрэгтэйчүүдийн оролцоог нэмэгдүүлэх нь” сэдэвт салбар бүрийн төлөөлөл бүхий гишүүдийн дунд хэлэлцүүлэг зохион байгуулах гэж байна. Хэлэлцүүлэг  Чингис зочид буудлын 3 давхарын хурлын танхимд болно. Мөн "Гэр бүлдээ хайртай аав" гэрэл зургийн уралдааны шилдэг бүтээлийг шалгаруулж, "Гэр бүлдээ хайртай аав" гэрэл зургийн үзэсгэлэнгийн нээлт болно. Утас: 88093607

11:30 цагт: Зууны мэдээ сонины Үндэсний мэдээллийн төвд Ерөнхий сайд Ч.Сайханбилэгийг, УИХ-ын гишүүн О.Баасанхүү халз мэтгэлцээнд дуудах талаар Монголын ногоон намаас мэдээлэл хийнэ.

12:00 цагт: Зууны мэдээ сонины Үндэсний мэдээллийн төвд Хотын захиргаанаас түц эрхлэгчдийн эрх ашгийг хөндөж байгаа асуудлаар Түц эрхлэгчдийн эрх ашгийг хамгаалах холбооноос мэдээлэл хийнэ.