Хөдөлмөрийн үндэсний намын Төв хорооны ээлжит бус хурал дөнгөж сая Пума зочид буудалд боллоо. Хуралдаанаар гишүүдийн олонхийн шийдвэрээр намын шинэхэн дарга С.Ганбаатарыг огцруулж, оронд нь Б.Найдалааг сонгов.
Хуралдаанд нийт 57 гишүүн ирэхээс 30 нь ирсэн байна. Иймээс уг хуралдаан хүчинтэй гэдгийг тус намын гишүүд онцлов.
Мөн С.Ганбаатарын гаргасан тушаал шийдвэр нь намын дүрмээ зөрчсөн тул хүчингүй. Хууль бус шийдвэр гаргасан түүнд хариуцлага тооцуулах ёстой . Түүнийг дүрэм журмаа зөрсөн гэдгийг намын Хариуцлагын хорооны хуралдаанаар тогтоосон. Хуйвалдаанаар ЕНБД Т.Доржхандыг чөлөөлж, Хариуцлагын ерөнхий хороог бас татан буулган шийдвэр гаргасан нь бүгд намынхаа хууль дүрмийг зөрчсөн, хууль бус. Намын даргад ийм эрх байхгүй. Иймээс түүний шийдвэрүүд хүчингүй хэмээн тус намын гишүүд мэдэгдлээ.
Үүнээс гадна намын төв хорооны энэхүү ээлжит бус хурлаар Т.Доржхандыг гишүүнээр нь эргүүлэн авч, Ерөнхий нарийн бичгийн даргаар Д.Гантулгыг томиллоо.
Энэ үеэр тус намын шинэ дарга Б.Найдалаа “С.Ганбаатартай хамтран ажиллах боломж байхгүй. Ингэж дураараа аашилж, хуйвалдаанаар асуудлыг шийдэж болохгүй. Хуйвалдаанаар асуудлаа шийдээд байвал бид бусад намаас ялгарч чадахгүй. С.Ганбаатар бусдын итгэлийг алдсан, намаа самарсан явдал болгочихлоо. Бид ийм хүнтэй цааш яаж ажиллах вэ. Ийм хэвээр байвал цаашид яаж Монгол улсыг авч явж чадах юм бэ. Иймээс бид цэвэр нам байхын тулд ийм шийдвэрийг гаргасан. Шударга байх, хууль дүрмийн дагуу байх зармын үүднээс ийм шийдвэр гаргасан” гэсэн юм.
Дашрамд хэлэхэд, хэд хоногийн өмнө “тус намаас тамга тэмдгээ алдсан, мөн намын ЕБНД-аас чөлөөлөгдсөн Т.Доржханд авч явчихаад авчирч өгөхгүй байна” гэх зэрэг мэдээлэл цацагдаж байсан. Тэгвэл тус намын тамга тэмдэг намынхаа ЕНБД-д байдаг, түүнд хадгалагдаж байх дүрэмтэй гэдгийг энэ үеэр төв хорооны гишүүд хэлж байлаа.
Харин тус ээлжит бус хуралд нь ирээгүй 27 гишүүн намынхаа нөгөө тал буюу С.Ганбаатарын талын хүмүүс гэнэ.
Г.Уянга
olloo.mn
Хуралдаанд нийт 57 гишүүн ирэхээс 30 нь ирсэн байна. Иймээс уг хуралдаан хүчинтэй гэдгийг тус намын гишүүд онцлов.
Мөн С.Ганбаатарын гаргасан тушаал шийдвэр нь намын дүрмээ зөрчсөн тул хүчингүй. Хууль бус шийдвэр гаргасан түүнд хариуцлага тооцуулах ёстой . Түүнийг дүрэм журмаа зөрсөн гэдгийг намын Хариуцлагын хорооны хуралдаанаар тогтоосон. Хуйвалдаанаар ЕНБД Т.Доржхандыг чөлөөлж, Хариуцлагын ерөнхий хороог бас татан буулган шийдвэр гаргасан нь бүгд намынхаа хууль дүрмийг зөрчсөн, хууль бус. Намын даргад ийм эрх байхгүй. Иймээс түүний шийдвэрүүд хүчингүй хэмээн тус намын гишүүд мэдэгдлээ.
Үүнээс гадна намын төв хорооны энэхүү ээлжит бус хурлаар Т.Доржхандыг гишүүнээр нь эргүүлэн авч, Ерөнхий нарийн бичгийн даргаар Д.Гантулгыг томиллоо.
Энэ үеэр тус намын шинэ дарга Б.Найдалаа “С.Ганбаатартай хамтран ажиллах боломж байхгүй. Ингэж дураараа аашилж, хуйвалдаанаар асуудлыг шийдэж болохгүй. Хуйвалдаанаар асуудлаа шийдээд байвал бид бусад намаас ялгарч чадахгүй. С.Ганбаатар бусдын итгэлийг алдсан, намаа самарсан явдал болгочихлоо. Бид ийм хүнтэй цааш яаж ажиллах вэ. Ийм хэвээр байвал цаашид яаж Монгол улсыг авч явж чадах юм бэ. Иймээс бид цэвэр нам байхын тулд ийм шийдвэрийг гаргасан. Шударга байх, хууль дүрмийн дагуу байх зармын үүднээс ийм шийдвэр гаргасан” гэсэн юм.
Дашрамд хэлэхэд, хэд хоногийн өмнө “тус намаас тамга тэмдгээ алдсан, мөн намын ЕБНД-аас чөлөөлөгдсөн Т.Доржханд авч явчихаад авчирч өгөхгүй байна” гэх зэрэг мэдээлэл цацагдаж байсан. Тэгвэл тус намын тамга тэмдэг намынхаа ЕНБД-д байдаг, түүнд хадгалагдаж байх дүрэмтэй гэдгийг энэ үеэр төв хорооны гишүүд хэлж байлаа.
Харин тус ээлжит бус хуралд нь ирээгүй 27 гишүүн намынхаа нөгөө тал буюу С.Ганбаатарын талын хүмүүс гэнэ.
Г.Уянга
olloo.mn