Баян-Өлгий аймагт аргаль хонь зуданд нэрвэгдэж, бэлчээр, өвс тэжээлээр гачигдаж эхэлжээ.Тус аймгийн Хар ямаат, Мөст булаг тус бүрд 400-500 орчим аргаль хонь айлын хот орчим орж ирсэн тухай нутгийн иргэд хэлж байна. Тухайлбал айлын өвөлжөөнд ойрхон зуу орчим аргаль хонь уулнаас бууж ирээд байна. Малын бэлчээр булаагаад барахгүй удахгүй хорогдоод эхлэх төлөвтэй байна. Байгаль хамгаалах байгууллагуудын зүгээс урьдах жилүүдэд тэдэнд өвс тэжээл хүргээд өгдөг байснаа тэд энэ өвөл харагдахгүй л байна гэж Улаанхус сумын малчин Х.Амангельд ярилаа.
Аргаль хонины тоо толгой сүүлийн жилүүдэд сайн өсөж үржсэн, 2015 онд гадны анчдад хоёр угалзыг намнуулан орон нутгийн төсөвт ихээхэн орлого оруулсан тухай байгаль орчныхон мэдээлж байсан. Иймд мал сүргийн нэгэн адил энэ ховор амьтныг байгалийн гамшгаас аврах арга хэмжээ авах хэрэгтэй байгааг нутгийн иргэд хэлж байна.
Аргаль хонины тоо толгой сүүлийн жилүүдэд сайн өсөж үржсэн, 2015 онд гадны анчдад хоёр угалзыг намнуулан орон нутгийн төсөвт ихээхэн орлого оруулсан тухай байгаль орчныхон мэдээлж байсан. Иймд мал сүргийн нэгэн адил энэ ховор амьтныг байгалийн гамшгаас аврах арга хэмжээ авах хэрэгтэй байгааг нутгийн иргэд хэлж байна.
Б.Сансар
olloo.mn