НӨАТ-ын хоёр хувийн буцаан олголтын хүрээнд зохион байгуулагдаж буй сугалааны эхний тохирлыг Гааль Татварын Ерөнхий газраас энэ сарын 17-нд буюу өнөөдөр үндэсний хэмжээнд явуулна.
Сугалааны тохирлыг олон нийтийн байгууллагын оролцоотойгоор тусгай комисс хянах бөгөөд МҮОНРТ сувгаар 19:30 цагт орон даяар цацах ажээ. Төвлөрөх нийт баримтын тооноос хамаараад нийт 22 тэрбум төгрөгний сан бүрдэж байгаа аж.
Танд сануулахад, авсан баримт бүр үнийн дүнгээсээ үл хамааран сугалаанд оролцох боломжтой бөгөөд баримт дээр байгаа хоёр үсэгтэй, ардаа найман оронтой тоо бол сугалааны дугаар. Найман тоо бүгдээрээ таарсан нэг хүн супер азтанаар шалгарч, 100 сая төгрөгийн эзэн болно. Хэрэв супер азтан тухайн үед шалгараагүй бол дараагийн сард 150 сая төгрөг болж өсөх ажээ. Ямар нэгэн супер азтан тодроогүй бол жилийн эцэст 950 орчим сая төгрөгийн шагналын сантай супер азтан тодрох гэнэ.
Мөн иргэд баримтаа тохирол явагдахаас өмнө амжиж, ебаримт.мн сайтад бүртгүүлэх шаардлагаггүй юм. Сугалааны тохирол явснаас хойш гурван сарын хугацаанд тус сайтад өөрийн баримтын мэдээллээ нөхөн оруулах боломжтой.
Энэ оны эхний хагас жилд уг сугалааг сард хоёр удаа явуулна. НӨАТ-ын хуулийн хэрэгжилт жигдрэн, баримт бүрдүүлэлт сайжрахаар сард нэг удаа байнга зохион байгуулахаар төлөвлөснөө албаныхан хэлж байсан.
Сугалааны тохирлыг олон нийтийн байгууллагын оролцоотойгоор тусгай комисс хянах бөгөөд МҮОНРТ сувгаар 19:30 цагт орон даяар цацах ажээ. Төвлөрөх нийт баримтын тооноос хамаараад нийт 22 тэрбум төгрөгний сан бүрдэж байгаа аж.
Танд сануулахад, авсан баримт бүр үнийн дүнгээсээ үл хамааран сугалаанд оролцох боломжтой бөгөөд баримт дээр байгаа хоёр үсэгтэй, ардаа найман оронтой тоо бол сугалааны дугаар. Найман тоо бүгдээрээ таарсан нэг хүн супер азтанаар шалгарч, 100 сая төгрөгийн эзэн болно. Хэрэв супер азтан тухайн үед шалгараагүй бол дараагийн сард 150 сая төгрөг болж өсөх ажээ. Ямар нэгэн супер азтан тодроогүй бол жилийн эцэст 950 орчим сая төгрөгийн шагналын сантай супер азтан тодрох гэнэ.
Мөн иргэд баримтаа тохирол явагдахаас өмнө амжиж, ебаримт.мн сайтад бүртгүүлэх шаардлагаггүй юм. Сугалааны тохирол явснаас хойш гурван сарын хугацаанд тус сайтад өөрийн баримтын мэдээллээ нөхөн оруулах боломжтой.
Энэ оны эхний хагас жилд уг сугалааг сард хоёр удаа явуулна. НӨАТ-ын хуулийн хэрэгжилт жигдрэн, баримт бүрдүүлэлт сайжрахаар сард нэг удаа байнга зохион байгуулахаар төлөвлөснөө албаныхан хэлж байсан.
Г.Уянга
olloo.mn
olloo.mn