Өчигдөр Туркын Истанбул хотод халдлага гарч 10 хүн өртөж, амиа алджээ. Амиа алдагсдын ес нь Германы жуулчид байсан байна. Мөн халдлагын улмаас 15 хүн шархдаж, гэмтсэний дотор Германы зургаан иргэн байгаа аж. Халдлага орон нутгийн цагаар өглөөний 10 цагт болсон бөгөөд жуулчдын хамгийн ихээр зорчдог Султанахметийн талбайд гарсан байна. Уг дэлбэрэлтийг Исламийн улс бүлгийн амиа золиослогч, Саудын Арабад төрсөн Сирийн оршин суугч 28 настай Набил Падли өөртөө тэсрэх бөмбөг зүүж үйлдсэн тухай албаныхан мэдээлжээ.
Б.Сансар
olloo.mn
olloo.mn