Реал Мадрид клубын ерөнхийлөгч Ф.Перес өнөөдөр багийнхаа шинэ ахлах дасгалжуулагчийг танилцууллаа. Тэрбээр өмнөх дасгалжуулагч Бенитесийг ажлаас нь чөлөөлснөө дуулгаад “Тэр бол томоохон мэргэжилтэн. Би түүнд талархаж буйгаа илэрхийлмээр байна” хэмээн хэлсэн байна. Ингээд шинэ дасгалжуулагчаар "Реал Кастилья" клубын хоёр дахь багийг дасгалжуулж байсан, өдгөө 43 настай Францын хөл бөмбөгчин Зиданыг томилж буйгаа дуулгалаа. Зидан “ФИФА-гийн шилдэг хөл бөмбөгчний шагнал”-ыг 1998, 2000, 2003 онд гурван удаа хүртсэн билээ.
Б.Сансар
olloo.mn