Голомт банкны Ховд салбар шинэ байрны нээлтээ хийлээ
Монголын банк санхүүгийн салбарын хөгжилд  томоохон байр суурь эзэлдэг Голомт банк 2015 оны 12-р сарын 11-ний өдөр Ховд салбарынхаа шинэ байрны нээлтийг хийж, үйл ажиллагаагаа улам бүр өргөжүүллээ. Тус салбар нь анх 2008 онд үүдээ нээснээс хойш эдүгээ 3 нэгж, 30 гаруй ажилтантай болж өргөжин тэлсэн байна.

Голомт банкны Ховд салбар нь дэлхийн жижигт нийцсэн банк санхүүгийн үйлчилгээг үзүүлэх тусгай зориулалтын шинэ байртай болсон нь баруун бүсийн тулгуур төв болох Ховд хотын их бүтээн байгуулалт, өнгө үзэмжинд чимэг нэмээд зогсохгүй, иргэд харилцагчид тав тухтай тохилог орчинд банк санхүүгийн үйлчилгээг хүлээн авах нөхцөлийг бүрдүүллээ.

Мөн тус банкны хамт олон шинэ байрны нээлтээ тохиолдуулан, жижиг дунд бизнес эрхлэгчдээ чадавхижуулах, өрсөлдөх чадварыг нь нэмэгдүүлэх, бизнесээ хэрхэн зөв удирдах талаарх мэдлэг мэдээллийг олгох зорилгоор “МЕНЕЖМЕНТИЙН ФОРУМ”-ыг зохион байгуулсан байна.  

Голомт банкны Ховд салбар нь аймгийн хэмжээнд орон сууцны зээлийн 33 хувийг дангаар олгосон төдийгүй барилгын материал, сүү, чацаргана, мах махан бүтээгдэхүүн, модон материал үйлдвэрлэлийн салбарт үйл ажиллагаа явуулж буй жижиг дунд бизнес эрхлэгчдээ дэмжин Чингис бонд, 888 төсөл, Жайка, Азийн Хөгжлийн Банкны бага хүүтэй, урт хугацаатай төслийн зээлд хамруулах ажлыг амжилттай зохион байгуулж ирсэн нь орон нутгийн хөгжилд ихээхэн дэмжлэг, санхүүгийн гол түлхэц болсныг орон нутгийн удирдлагууд онцолж байлаа.

Ийнхүү Сайн сайхныг санхүүжүүлэгч Голомт банкны хамт олон Ховд аймгийн 80,000 гаруй иргэд харилцагчиддаа дэлхийн жишигт нийцсэн банк санхүүгийн шилдэг үйлчилгээг улам бүр ойртуулаад байна. 
Бусдад түгээх
  • gplus