Спортын шилдгүүдийг тодруулдаг “Бөртэ Чоно” наадмын энэ жилийн ёслол хүндэтгэлийн арга хэмжээ энэ сарын 25-нд болохоор товлогджээ. Энэ жилийн спортын шилдгүүдэд нэр дэвшигчдийн нэрс аль хэдийн тодроод буй билээ.
Тодруулбал, “Шилдэг эмэгтэй тамирчин”-нд 8 эмэгтэй тамирчны нэрийг дэвшүүлээд байгаа бол “эрэгтэй шилдэг тамирчин”-нд өсөж яваа долоон тамирчны нэрийг дэвшүүлсэн байна.
Харин шилдэг багийн төлөө дөрвөн баг өрсөлдөж байна. Үүнээс гадна шилдэг дасгалжуулагчийг шалгаруулах бөгөөд үүнд 10 дасгалжуулагчийн нэрийг сойжээ.
Тамирчдын хувьд Бразилийн Рио де Жанейро хотод болох зуны Олимпийн их наадмын эрх авсан тамирчид хийгээд тив дэлхийд өндөр үнэлэгдсэн тамирчид багтжээ.