Нийслэлийн Онцгой байдлын газраас томилогдсон хоёр ажлын хэсгийн гишүүд төвийн зургаан дүүрэгт 10 дугаар сарын 28-ны өдрөөс 11 дүгээр сарын 20-ны өдрүүдэд барилга байгууламж, гэр хороолол, авто зам, нийтийн эзэмшлийн зам талбайн авралтын гарцыг шалгах ажлыг хийсэн байна.

Шалгалтаар барилга байгууламж, гэр хороолол, авто зам, нийтийн эзэмшлийн зам талбайн авралтын гарцыг хааж, болзошгүй гамшгийн үед шуурхай албаны автомашин хүрэлцэн очих боломжийг хязгаарлаж, зөвшөөрөлгүй барьж сунгасан хашаа, хаалт, хайс, гарааш, өргөтгөлийг буулгаж чөлөөлөх чиглэлээр хамтарч зохион байгуулж, шалгалтаар нийслэлийн нутаг дэвсгэрийн хэмжээнд барилга байгууламж, гэр хороолол, авто зам, нийтийн эзэмшлийн зам талбайн авралтын гарцыг хааж, болзошгүй гамшгийн үед шуурхай албаны автомашин хүрэлцэн очих боломжийг хязгаарлаж, зөвшөөрөлгүй барьж сунгасан хашаа, хаалт, хайс, өргөтгөл зэрэг 63 газрыг чөлөөлжээ. Үүнээс төвийн хороололд 18, гэр хороололд 45 газрыг чөлөөлсөн байна.

Мөн гэр хорооллын дундах авто зам, нийтийн эзэмшлийн зам талбай руу иргэд өөрсдийн эзэмшлийн хашаагаа сунгаж зам гарцыг нарийсгасан, шуурхай албаны автомашин зорчих боломжийг хязгаарлаж мухар гудамж гаргасан зөрчил буурахгүй байгаа нь энэхүү шалгалтаар ажиглагджээ.  

Ингэхдээ шалгалтаар илэрсэн зөрчил дутагдлыг арилгах, зөвшөөрөлгүй барьж сунгасан хашаа, хаалт, хайс, гарааш, өргөтгөлийг буулгаж чөлөөлөхөд шаардагдах техник хэрэгслийн шатахууны зардалд 7 сая 100 мянган төгрөг зарцуулсан байна. Шалгалтыг нийслэлийн Онцгой байдлын газар, дүүргүүдийн Засаг даргын Тамгын газар, Онцгой байдлын хэлтэс, Өмч, газрын харилцааны алба, Дэд бүтэц, тохижилтын хэлтэс, Цагдаагийн хэлтэс, Замын Цагдаагийн тасаг, хороодын Засаг дарга, холбогдох албан тушаалтан, мэргэжилтэн нар хамтран хийжээ.