Оюутолгойн далд уурхайн санхүүжилт шийдэгдлээ
Монголын эдийн засгийг хямралаас гаргах арга зам болоод байгаа Оюутолгойн далд уурхайн санхүүжилт ерөнхийдөө шийдэгдэх тал руугаа орчихлоо. Тодруулбал, “Оюутолгой орд”-ын бүтээн байгуулалтын ажлыг эхлүүлэхэд ойролцоогоор дөрвөн тэрбум ам.долларын санхүүжилт шаардлагатай байсан юм. Үүнийг “Европын сэргээн босголт хөгжлийн банк”, “Олон улсын санхүүгийн корпораци” зэрэг дэлхийн 15 банк олгох бололцоотойгоо илэрхийлээд байгаа талаар тус ордын 66 хувийг эзэмшигч “Туркойз хилл” компани мэдэгдсэн аж.

Тэгвэл Оюутолгойн далд уурхайн санхүүжилт оны эцэст шийдэгдэж магадгүй тухай Уул уурхайн сайд Р.Жигжид хэлж байлаа. Тэрбээр “Ерөнхий сайд Ч.Сайханбилэг Арабын Нэгдсэн Эмират Улсад ажлын айлчлал хийх үеэр Засгийн газар, “Эрдэнэс оюутолгой”, “Туркойз хилл ресурс”, “Рио Тинто” компаниуд далд уурхайн бүтээн байгуулалтын төлөвлөгөөнд гарын үсэг зурсан. Ингэснээр далд уурхайн барилгын ажил эхлэх боломж бүрдээд байгаа юм” хэмээлээ. Ямартай монголчууд бид нэг хэсэг “Биднээс алсран одож буй Оюутолгой” хэмээж байсан. Тэгвэл ирэх онд Оюутолгойн санхүүжилт орж ирснээр манай улсын эдийн засагт бага ч болов сүүмэлзэх гэрэл гялтайх болсон нь баярлууштай.

Тухайлбал, Монгол Улсын Ерөнхий сайд Ч.Сайханбилэг өнгөрсөн сарын 26-нд жилийн хугацаанд хийсэн ажлаа ард түмэндээ танилцуулсан. Тэрбээр “Оюутолгойн гүний уурхайн бүтээн байгуулалт гацаанаас гарч, бодит ажил хэрэг боллоо. Та бүхэнд шинэ сэргэг, эерэг сайн мэдээ дуулгая. Олон улсын банкууд 4.2 тэрбум ам.долларын төслийн санхүүжилт олгохоор энэ долоо хоногт эцэслэн шийдвэрлэсэн байна. Ирэх арванхоёрдугаар сарын 16-нд Улаанбаатар хотод албан ёсоор баталгаажуулж, олон улсад зарлахаар товлолоо. Гүний уурхайн их ажил эргэн сэргэж, эрчтэй хөдөлсний эхний үр дүн татварын орлого 70 сая ам.доллар буюу 140 шахам тэрбум төгрөг төрийн сангийн дансанд шилжин орохоор боллоо. Нэг том төслийн эргэн сэргэлт бусад том төслүүдийг хөдөлгөөнд оруулж байна. Их ажилтай байна, энд тэндгүй их бүтээн байгуулалт дахин эхэлнэ гэдэг нь эдийн засгийн сэргэлтэд хөтөлнө. Эдийн засаг сэргэнэ гэдэг нь эцсийн дүндээ монгол хүн ажилтай, авах цалинтай, монгол компаниуд олох ашигтай” хэмээх сайхан үгсийг хэлж олон нийтийн санааг бага ч болов амрааж байсан. Тэгвэл Ерөнхий сайдын хэлсэн энэхүү гэрэл гэгээтэй сайхан үгнүүд эхнээсээ биелэлээ олж монголчууд ирэх онд эдийн засгаараа элгээрээ хэвтчихгүйхэн шиг өвлийг өнтэй давах боллоо. Ингэснээр бид газрын гүнд байрлаж буй, дэлхийд томоохонд тооцогдох зэс-алтны ордыг ашиглах бүтээн байгуулалтын ажлыг үргэлжлүүлэх бололцоо бүрдэж байна гэсэн үг.

Ямартай ч манай улс дөрвөн тэрбум ам.долларын хөрөнгө оруулалтыг түшиглээд эдийн засгаа зөв залж чадах юм бол бидэнд бусад гацаанд орчихоод байгаа уул уурхайнхаа бүтээн байгуулалтыг сэв хийтэл босгоод ирэх нөөц ч байгаа нь харагдаж байна. Тэгэхээр улстөрчид сонгууль хүртэл шоу хийхгүйхэн шиг ард түмнээ бодвол гадаадын хөрөнгө оруулагчид ч Оюутолгойн бусад бүтээн байгууллалтад хөрөнгө оруулахад татгалзах зүйлгүй гэдэг саналаа ч хэлсэн юм билээ. Хамгийн гол нь энэхүү дөрвөн тэрбум ам.долларын санхүүжилтийг шийдэхэд Ерөнхий сайд Ч.Сайханбилэгийн оролцоо чухал байсан гэдгийг онцлох хэрэгтэй байх. Оюутолгойн ордоос монголчууд 54.9 хувийн буюу 45-50 тэрбум ам.долларын хишиг хүртэнэ гэсэн сайхан мэдээ байгаа. Ямартай ч Оюутолгой хэмээх дэлхийд данстай мега төсөл дээр хамтран ажиллах компаниуд, банкууд тодорхой болж, хөрөнгө оруулалт нь нь ч орж ирэхээр болчихлоо. Тиймээс улстөрчид тулга тойрсон хэрүүлээсээ бага ч болов холдож улс орныхоо эдийн засгийг яаж өөд нь татах вэ гэдэг дээр анхаарах цаг нь болжээ. Яг үнэндээ монголчууд бид тулга тойрсон чавганцын хэрүүл хийдэг болохоос биш дэлхий ертөнц Монголыг арай өөр нүдээр харж эхнээсээ газар нутагт чинь том, том обьектийг худалдан авч эхлээд байна шүү улстөрчид өө.

Өглөөний сонин
Р.Төгс
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • buteen baiguulalt bish gd bhad l infej b 2015-12-09 14:40:10
    buteen baiguulalt bish gd bhad l infej biched bhin, zgr l uurhai bgazde
    202.9.41.165
    Мэдэгдсэн Хариулах
  • Зочин 2015-12-03 08:13:44
    54 % нь үнэн бол 45-50 тэрбум биш 250 тэрбум доллар авмаар юм. Тоогоор толгой эргүүлж байгаад л манийг хулхидаад байгаа юм даа..
    43.242.243.24
    Мэдэгдсэн Хариулах
  • Зочин 2015-12-03 04:07:29
    Хөрөнгө оруулалт гэдэг чинь бид өр төлбөрөө л нэмэгдүүлж байгаа хэрэг ш дээ нарийндаа бол. Чухам үр ашиг нь ямар байх нь биднээс огт хамааралгүй байгаа биз дээ....
    208.107.140.160
    Мэдэгдсэн Хариулах
    • ИРГЭН 2015-12-03 05:38:09
      Алтанхуягийн бонд мондноос хавьгүй өөр бүтээн байгуулалтын мөнгө шүү.
      202.131.235.234
      Мэдэгдсэн Хариулах