“Монгол-Японы цэвэр эрчим хүчний форум” болно
Монгол Улсаас Япон Улсад суугаа ЭСЯ-наас Монголын салхины эрчим хүчний ассоциаци, Үндэсний эрчмийн аж үйлдвэрийн хөгжлийн нийгэмлэгтэй хамтран ирэх сарын 14-ний өдөр “Монгол-Японы цэвэр эрчим хүчний форум”-ыг Токио хотноо зохион байгуулахаар болжээ.
 
Ази, Номхон далайн бүс нутаг дахь эрчим хүчний эрэлт цаашид улам өсөн нэмэгдэж байгаа бөгөөд энэ салбарын хөгжил дэвшлийг уур амьсгалын өөрчлөлт, технологийн хөгжил дэвшил, геополитик, бүс нутгийн улс орнуудын интеграцчлал зэрэг олон талын хүчин зүйлсээс салгаж авч үзэх боломжгүй билээ.
 
Зүүн Азийн бүс нутаг дахь Монгол, Япон улсын хооронд энэхүү салбарт хамтын ажиллагааг өргөжүүлэх боломж улам нэмэгдэж байгаа бөгөөд энэхүү хурлаар эдгээр боломжийн талаар санал солилцож, хамтын ажиллагааг урагшлуулах чиглэлд эрчим хүчний салбарын экспертүүд, засгийн газрын болон засгийн газрын бус түвшний оролцогчид, хувийн хэвшлийнхний санал бодлыг сонсох, нэтворкийг бий болгохыг зорьж байгаа аж.
 
“Монгол-Японы цэвэр эрчим хүчний форум”-д Эрчим Хүчний Яам, БОНХАЖ Яам, Аж Үйлдвэрийн Яамны төлөөлөгчид болон Үндэсний эрчмийн аж үйлдвэрийн хөгжлийн нийгэмлэг, Монголын салхины эрчим хүчний ассоциаци, Цэвэр эрчим хүчний чиглэлээр төсөл хөгжүүлэгч компаниудын төлөөлөгчид оролцох юм байна. 
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.