Шугам сүлжээний засварын ажилд 57.4 сая төгрөг шаардлагатай гэв

Нийслэлийн удирдлагын зөвлөлийн хуралдаан болж, “Улаанбаатар хотын өвөлжилтөд хүндрэл учруулж болзошгүй Ус дулаан дамжуулах төв, цэцэрлэгүүдийн тухай” асуудлыг хэлэлцлээ.

Нийслэлийн удирдах ажилтнуудын шуурхай зөвлөгөөн дээр өгсөн үүрэг даалгарвын дагуу Ус дулаан дамжуулах төв болон цэцэрлэгүүдийн инженерийн шугам сүлжээг Улаанбаатар хотын Захирагчийн ажлын ажлын алба, Нийслэлийн мэргэжлийн хяналтын газар, Нийслэлийн шуурхай удирдлага зохицуулалтын төвийн хамтарсан ажлын хэсэг газар дээр нь шалгаж ажилласан байна. Үүнд: 

-Ус дулаан дамжуулах 113-р төв: Баянгол дүүргийн 6-р хороонд байрлах ус дулаан дамжуулах 113-р төвийн халаалтын цогц төхөөрөмжийг Дулааны үр ашгийн төслөөр 2003 онд халаалтын 5.0 гкал хүчин чадалтай 2 ш задардаггүй ялтсан бойлероор шинэчлэн сольсон. 2013 онд Хятад улсын 1ш, 2.1 гкал хүчин чадалтай задардаг ялтсан бойлер нэмэлтээр суурилуулсан. Халаалтын ялтсан бойлер задардаггүй учраас бохирдол ихтэй 2-р хэлхээний даралтыг 1.5 атагаар унаган үүнтэй холбоотой 113-р төвөөс тэжээгддэг 14-н байр, 9-н аж ахуй нэгжүүдээс халаалтын гомдол ихээр ирж, халаалтыг хэвийн найдвартай түгээхэд хүндрэл үүсгэж байна.

-Ус дулаан дамжуулах 114-р төв: Баянгол дүүргийн 6-р хороонд байрлах 114-р ус дулаан дамжуулах төвийн халаалтын цогц төхөөрөмжийг дулааны үр ашгийн төслөөр 2003 онд халаалтын 6.0 гкал хүчин чадалтай 2 ш задардаггүй ялтсан бойлероор шинэчлэн сольсноос хойш өнөөдрийг хүртэл бодит ачаалал нь 7.9 гкал болж нэмэгдсэн байна. Иймд 114-р халаалтын ялтсан бойлер задарггүй учраас бохидол маш ихтэй 2-р хэлхээний даралт ялтсан бойлер дээр 2.8 ата-гаар унаж байна. Бойлерын бохирдолтой холбоотойгоор 114-р төвөөс тэжээгддэг 21-н байр 6-н аж ахуйн нэгжүүдээс халаалтын гомдол ихээр ирж, халаалтыг хэвийн найдвартай түгээхэд хүндрэл үүсч болзошгүй байна.

Мөн Сонгинохайрхан дүүргийн 41, 107, Хан-Уул дүүргийн 53, 65-р цэцэрлэгийн гадна болон дотор инженерийн шугам сүлжээг зайлшгүй засварлах шаардлагатай байгаа ажээ. 

Нийслэлийн өвөлжитөд хүндрэл учирч болзошгүй дээрх шугам сүлжээний ажилд 57,4 сая төгрөг шаардлагатай бөгөөд санхүүжилтийг шийдвэрлэж өгөхийг хүслээ. Асуудлыг нийслэлийн удирдлагын зөвлөлийн гишүүд хэлэлцээд хугацаа алдалгүй шийдвэрлэх шаардлагатай ажлуудын санхүүжилтийг нийслэлийн Засаг даргын нөөц хөрөнгөөс гаргахаар шийдвэрлэсэн байна.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.