УИХ-ын Төрийн байгуулалтын байнгын хороо үдээс хойшхи хуралдаанаа эхэллээ. Хуралдаанаар Р.Бурмаа нарын гишүүдийн өргөн мэдүүлсэн Сонгуулийн нэгдсэн хуулийн төслийг хэлэлцэж байна. 2013 оны 2 дугаар сарын 8-ны өдрийн 26 тоот УИХ-ын даргын захирамжаар “Сонгуулийн нэгдсэн хуулийн төслийг боловсруулах” үүрэг бүхий ажлын хэсгийг Р.Бурмаа гишүүнээр ахлуулан 19 хүний бүрэлдэхүүнтэй байгуулсан. Ажлын хэсэг байгуулагдсан хугацаандаа албан болон албан бусаар 50 орчим тооны уулзалт, ярилцлага, зөвшилцөл, санал бодлоо солилцох байдлаар ажлын зохион байгуулалтаа  хийж ирсэн ажээ.

Уг хуулийн төсөл нь хоёр хэсэгтэй бөгөөд хэсэг тус бүр бүлэг, дэд бүлэгтэй, нийт 19 бүлэг, 167 зүйлтэй ажээ.