УИХ-ын гишүүн Н.Батбаяраар ахлуулсан ажлын хэсгийнхэн Үндсэн хуульд нэмэлт, өөрчлөлт оруулах хуулийн төсөл болон Энэ сарын 26-нд Бүх нийтийн санал асуулга явуулах тогтоолын төслийг өргөн барьсан. Гэвч бүх нийтийн санал асуулга явуулах хугацаа хойшлогдох магадлал тун өндөр байна.
Учир нь хуулиараа бол Бүх нийтийн санал асуулга явуулах тогтоол батлагдсанаас хойш 14 хоногийн дараа санал асуулга явуулах ёстой байдаг байна. Гэтэл УИХ-аар энэхүү тогтоолын төслийг өнөөдрийн байдлаар хэлэлцээгүй байгаа бөгөөд санал асуулга явуулах тов болоход ес хоногийн хугацаа үлдээд байгаа юм. Тэгэхээр яаж ч бодсон хуулийн хугацаандаа амжихгүй болж таарч байна.
Гэхдээ энэ долоо хоногоос бүлэг, байнгын хороогоор уг тогтоолын төслийг өнөөдрөөс эхэлнэ. Дараа нь УИХ-ын чуулганы хуралдаанаар хэлэлцэх юм. Иймд Тогтоол хэзээ батлагдана, тэр өдрөөс 14 хоногийн дараа бүх нийтийн санал асуулга явуулна гэсэн үг. Тэгэхээр Үндсэн хуульд өөрчлөлт оруулах төслийг батлах хугацаа ч тэр хэмжээгээр хойшлох магадлалтай юм.
olloo.mn