Хүн амын төлөвлөрлөөс үүдэн нийслэлийн хэмжээнд сургууль, цэцэрлэгийн хүрэлцээ хангамж хүндхэн буй Нийслэлийн хэмжээнд цэцэрлэгийн насны 30 орчим мянган багачууд гэрээр хүмүүжиж байгаа бол 10 орчим сургууль гурван ээлжээр хичээллэж байна. Хэдийгээр эдийн засгийн хүндрэлээс үүдэж ирэх оны төсвийг багагүй хэмжээгээр танаж байгаа ч боловсролын салбарын төсвийг нэмэгдүүлэх, шинээр баригдах сургууль цэцэрлэгийн төсөв хөрөнгийг танахгүй байх тал дээр анхаарчээ. Ингэснээр гэрээр хүмүүжиж байгаа багачууд сургуулийн өмнөх боловсролд бүрэн хамрагдах боломжтой болов. Сургууль, цэцэрлэгийн барилгын хувьд концессын гэрээгээр барих шийдвэр гаргасан. Тэгвэл ирэх онд 72 сургууль, цэцэрлэгийн барилгын ажил эхлэх гэнэ. Үүнээс Хятад улсын тусламжаар найман сургууль барих аж. Улсын төсөв, орон нутгийн төсвөөр 50 гаруй сургууль барих юм.
Г.Уянга
olloo.mn
olloo.mn