“Эрдэнэс тавантолгой” ХК 206 ажилчнаа БНХАУ-ын компанид шилжүүлэн ажиллуулах болсонтой холбоотой эсэргүүцлийн жагсаал цуглаан өнгөрсөн өдрүүдэд тасарсангүй. Эцэс сүүлд нь нэг иргэн өөрийн амь насыг золих дөхлөө.
Тодруулбал тус компанийн үйлдвэрчний эвлэлийн дарга С.Эрдэнэ компанийнхаа удирдлагуудын гаргасан шийдвэрийг эсэргүүцэж буйгаа удаа дараа мэдэгдсэн боловч хүлээн аваагүй тул хэвлэлийн бага хурлын үеэр өөрийгөө шатааж эсэргүүцлээ илэрхийллээ. Урьд өмнө нь гарч байгаагүй энэ харамсалтай үйл явдал өнгөрөгч баасан гарагт /2015.11.13/ “Үндэсний мэдээллийн төв”-д өдрийн 12:30 цагийн үед боллоо.
Хэвлэлийн хурлын үеэр С.Эрдэнэ компанийн удирдлагууд ажилчдаа Хятадын компанид шилжүүлэхээр улайран зүтгэж 12 сарын хугацаатай байсныг 33 сар болгон нэмэгдүүллээ. Эдгээр шилжиж буй ажилчдад ажилтай үлдэнэ гэх баталгаа байхгүй хэмээн хэлсэн юм. Ингээд уурхайн олон зуун ажилчны энэ олон хоног хийсэн эсэргүүцлийг авч хэлэлцэхгүй байгаад бухимдан өөрийгөө шатаасан юм. Тэрбээр шатсаныхаа дараа Үндэсний мэдээллийн төвөөс гарч компанийнхаа байран дээр ирсэн. Үүний дараа яаралтай түргэн тусламжийнхан ирж, эмнэлгийн тусламж үзүүлэхээр авч явсан юм.
С.Эрдэнийн биеийн байдал сайнгүй байгаа бөгөөд 30-40 хувийн түлэгдэлтэй, мөн амьсгалын замын түлэгдэлтэй тул амь насанд нь аюултай ч байж магадгүй гэдэг тайлбарыг эмч нар тухайн үед өгч байсан. Харин амралтын өдрүүдэд түүний биеийн байдал тогтворжсон байна. Одоогоор тэрбээр ГССҮТ-ийн түлэнхийн тасагт хэвтэн эмчлүүлж байна.
Тэгвэл дээрх үйл явдалтай холбогдуулан С.Эрдэнэтэй хамт тэмцэж байсан “Эрдэнэс тавантолгой” ХК-ийн ажилчид МҮЭХ-ны ерөнхийлөгч Х.Амгаланбаатарыг огцрох ёстой гэх байр суурийг илэрхийлж, өнөөдөр шаардлага хүргүүлэхээр болсон байна.
Тэд ажилчин ангийнхны эрх ашгийг хамгаалах ёстой дээд байгууллага болох МҮЭХ “Эрдэнэс тавантолгой” ХК-ийн 200 гаруй ажилтныг хөдөлмөрийн өөр нөхцөлд шилжүүлэх гэж байгаа асуудалд анхаарал хандуулаагүй, эцэст нь МҮЭХ-ны гишүүн “Эв санааны нэгдэл” ҮЭ-ийн дарга С.Эрдэнэ өөрийн амийг эрсдэлтэй байдалд оруулах хүртэл дуугүй харж суусан хэмээн Х.Амгаланбаатарыг буруутган ийнхүү огцруулах асуудлыг хөндөж эхэлжээ.
Х.Амгаланбаатар нь өмнө нь МҮЭХ-ны дэд ерөнхийлөгчөөр ажиллаж байгаад 2013 онд Ерөнхийлөгчөөр сонгогдсон юм. Тэрбээр сонгогдохдоо МҮЭХ-ны бүтэц бүрэлдэхүүнд өөрчлөлт оруулж, анхан болон дунд шатны нэгжүүдийн ажлын уялдаа холбоог сайжруулах талаар дорвитой ажил хийнэ хэмээн мэдэгдэж байсан юм. Харин иргэд олон нийтийн зүгээс Х.Амгаланбаатарыг МҮЭХ-ны тэргүүн болоод дорвитой ажил хийгээгүй хэмээн шүүмжлэх болсон. Түүнийг эдийн засгийн хүндрэлтэй үед ямар ч тооцоо судалгаагүй зүйл ярьж, эмч, багш нарын цалинг нэмэх ёстой хэмээн тэднийг дагуулан хэд хоногоор ажил хаяж, жагсаал зохион байгуулахаас өөр дорвитой ажил хийгээгүй хэмээн дүгнэх болсон юм.
Тодруулбал тус компанийн үйлдвэрчний эвлэлийн дарга С.Эрдэнэ компанийнхаа удирдлагуудын гаргасан шийдвэрийг эсэргүүцэж буйгаа удаа дараа мэдэгдсэн боловч хүлээн аваагүй тул хэвлэлийн бага хурлын үеэр өөрийгөө шатааж эсэргүүцлээ илэрхийллээ. Урьд өмнө нь гарч байгаагүй энэ харамсалтай үйл явдал өнгөрөгч баасан гарагт /2015.11.13/ “Үндэсний мэдээллийн төв”-д өдрийн 12:30 цагийн үед боллоо.
Хэвлэлийн хурлын үеэр С.Эрдэнэ компанийн удирдлагууд ажилчдаа Хятадын компанид шилжүүлэхээр улайран зүтгэж 12 сарын хугацаатай байсныг 33 сар болгон нэмэгдүүллээ. Эдгээр шилжиж буй ажилчдад ажилтай үлдэнэ гэх баталгаа байхгүй хэмээн хэлсэн юм. Ингээд уурхайн олон зуун ажилчны энэ олон хоног хийсэн эсэргүүцлийг авч хэлэлцэхгүй байгаад бухимдан өөрийгөө шатаасан юм. Тэрбээр шатсаныхаа дараа Үндэсний мэдээллийн төвөөс гарч компанийнхаа байран дээр ирсэн. Үүний дараа яаралтай түргэн тусламжийнхан ирж, эмнэлгийн тусламж үзүүлэхээр авч явсан юм.
С.Эрдэнийн биеийн байдал сайнгүй байгаа бөгөөд 30-40 хувийн түлэгдэлтэй, мөн амьсгалын замын түлэгдэлтэй тул амь насанд нь аюултай ч байж магадгүй гэдэг тайлбарыг эмч нар тухайн үед өгч байсан. Харин амралтын өдрүүдэд түүний биеийн байдал тогтворжсон байна. Одоогоор тэрбээр ГССҮТ-ийн түлэнхийн тасагт хэвтэн эмчлүүлж байна.
Тэгвэл дээрх үйл явдалтай холбогдуулан С.Эрдэнэтэй хамт тэмцэж байсан “Эрдэнэс тавантолгой” ХК-ийн ажилчид МҮЭХ-ны ерөнхийлөгч Х.Амгаланбаатарыг огцрох ёстой гэх байр суурийг илэрхийлж, өнөөдөр шаардлага хүргүүлэхээр болсон байна.
Тэд ажилчин ангийнхны эрх ашгийг хамгаалах ёстой дээд байгууллага болох МҮЭХ “Эрдэнэс тавантолгой” ХК-ийн 200 гаруй ажилтныг хөдөлмөрийн өөр нөхцөлд шилжүүлэх гэж байгаа асуудалд анхаарал хандуулаагүй, эцэст нь МҮЭХ-ны гишүүн “Эв санааны нэгдэл” ҮЭ-ийн дарга С.Эрдэнэ өөрийн амийг эрсдэлтэй байдалд оруулах хүртэл дуугүй харж суусан хэмээн Х.Амгаланбаатарыг буруутган ийнхүү огцруулах асуудлыг хөндөж эхэлжээ.
Х.Амгаланбаатар нь өмнө нь МҮЭХ-ны дэд ерөнхийлөгчөөр ажиллаж байгаад 2013 онд Ерөнхийлөгчөөр сонгогдсон юм. Тэрбээр сонгогдохдоо МҮЭХ-ны бүтэц бүрэлдэхүүнд өөрчлөлт оруулж, анхан болон дунд шатны нэгжүүдийн ажлын уялдаа холбоог сайжруулах талаар дорвитой ажил хийнэ хэмээн мэдэгдэж байсан юм. Харин иргэд олон нийтийн зүгээс Х.Амгаланбаатарыг МҮЭХ-ны тэргүүн болоод дорвитой ажил хийгээгүй хэмээн шүүмжлэх болсон. Түүнийг эдийн засгийн хүндрэлтэй үед ямар ч тооцоо судалгаагүй зүйл ярьж, эмч, багш нарын цалинг нэмэх ёстой хэмээн тэднийг дагуулан хэд хоногоор ажил хаяж, жагсаал зохион байгуулахаас өөр дорвитой ажил хийгээгүй хэмээн дүгнэх болсон юм.
Б.Сансартуяа
olloo.mn
olloo.mn