Б.Галаарид: Манайхан онцгой нөхцөлд онц ажилласан

Эрдэнэс-Тавантолгой” компанийн “Эв санааны нэгдэл” үйлдвэрчний эвлэлийн холбооны дарга С.Эрдэнэ хэвлэлийн бага хурлын үеэр өөрийгөө шатаасан нь нийгмийн анхаарлыг татсан үйл явдал болоод байна.  “Хүн үхэх гэж байхад сэтгүүлчид тусалсангүй” гэх буруутгал цахим орчинд нэлээд түгсэн. МСНЭ-ийн Ерөнхийлөгч Б.Галааридтай сэтгүүлчид уулзаж энэ талаархи байр суурийг нь тодрууллаа.

-Сэтгүүлчдийг буруутгаж, муу хэлж байхад МСНЭ яагаад дуугүй байгаад байгаа юм бэ?

-Иймэрхүү онцгой нөхцөл тэр бүр үүсдэггүй. Сэтгэлийн хөөрлөөр яарсан дүгнэлт хийж болохгүй. Манай Дэд ерөнхийлөгч Х.Батхишиг ийм асуудал гарсан тухай мэдээлэл гармагц газар дээр нь очиж ажилласан. Сэтгүүлчид, “Зууны мэдээ” сонины удирдлагууд, ТВ9 телевизийнхэнтэй уулзсан. Ингэж шуурхай ажиллахаас болохгүй. Яагаад гэвэл та бидний мэргэжил, манай салбарын нэр хүндтэй холбоотой асуудал яригдаж байна шүү дээ. Х.Батхишиг Дэд ерөнхийлөгч бид нар бодит байдал, гадуур тарж байгаа мэдээллийг харьцуулан зохих дүгнэлтээ хийчихсэн байгаа.

-Юу гэсэн дүгнэлт хийсэн бол?

-Манайхан онцгой нөхцөлд онц сайн ажилласан гэж дүгнэж байгаа. Нийт сэтгүүлчид, хэвлэл мэдээллийнхэндээ баярлалаа гэж хэлье.

-Яагаад? Хүн үхэж байхад туслаагүй гээд буруутгаад байгаа шүү дээ?

-Харин ч эсрэгээрээ юм болсон. Манайхан хүний амь аварсан шүү дээ. “Зууны мэдээ”-гийн хэвлэлийн хурал хийдэг танхимыг та бид сайн мэднэ. Урт ширээ, арын хана хоёрын дунд олон хүн орохоор их зай байхгүй. С.Эрдэнийг шатаж байх үед унтраах гэж хамгийн түрүүнд оролдсонхүмүүсийн нэг нь манай хүн, телевизийн зураглаач залуу байсан. Тэр үед өөр өрөөнд байсан ТВ9 телевизийн бас нэг зураглаач хонгилд байсан галын хорыг авчирч шүршээгүй бол С.Эрдэнэ амь алдах аюул ойрхон байсан. Телевизийн ажилтан залуу галын хорыг ажиллуулах заавар журмыг мэддэг, “Зууны мэдээ” сонин, ТВ9 телевизийн хамт олонгалын аюулгүй байдлаа бүрэн сайн хангасан нь буруу болж байна уу? Хэвлэл мэдээллийнхэндээ онцгой нөхцөлд онц ажилласанд нь дахиад талархал дэвшүүлье. Бас аюултай орчноос бие биедээ саад бололгүй хурдан холдож, илүү уршигтай  үр дагавраас зайлсхийх, мэргэжлийн техник хэрэгслээ хамгаалах үүргээ манайхан сайн биелүүлсэн. Өөрөөр хэлбэл манай сэтгүүлч, зураглаачид онцгой байдалд хэрхэн ажиллах талаар мэдлэг дадал сайтай байгаагаа харуулж чадлаа.

-Та тэгэхээр С:Эрдэнийн амийг манайхан аварсан гэдэгт итгэлтэй байна уу?

- Манайхан туслаагүй, ТВ9-ийн зураглаач галын хороор шүршиж унтраагаагүй бол С.Эрдэнэ газар дээрээ амиа алдаж болох байсан. “Зууны мэдээ” сонины газар галын аюулгүй байдлаа хангаагүй бол юу болох байсныг хэлж мэдэхгүй. Тэгээд үүнийхээ төлөө элдвээр хэлүүлж байх шив дээ. Уншигчид өөрсдөө дүгнэлтээ хийг дээ.

Бас нэг зүйл хэлье. Хүн үхэх гэж байхад сэтгүүлч асуулт асуусан гэж буруутгаж байна. Сэтгүүлч хүн өөрөө үхэх гэж байхдаа ч асуулт асууж л байх, өрөөлийг үхэх гэж байсан ч үнэнийг мэдээлэхийн тулд асуулт асуух л ёстой онцгой мэргэжилтэй хүмүүс. Тэд ажлаа л хийсэн.

-Ингэхэд сэтгүүлчид онцгой нөхцөлд хэрхэн ажиллах талаар МСНЭ анхаарал тавьж, ажил зохиодог уу?

-Бид 2008 оны долдугаар сарын 1-ний үйл явдлаас сургамж аван шат дараатай арга хэмжээ авч байгаа. Онцгой байдлыг хамгаалах газартай хамтран жил бүр сэтгүүлчдийн сургалт, онцгойгийнхны ажил байдлын онцлогийг сурталчлах ажил зохион байгуулдаг. Сэтгүүлчид, хэвлэлийнхэн хүний амь аврах, эмнэлгийн анхны тусламж үзүүлэх, гал түймэр унтраах талаар анхны мэдэгдэхүүнтэй болдог. Ийм хамтын ажиллагаа үр дүнгээ заавал өгдөг. Мөн онцгой нөхцөл байдалд хэрхэн аюулгүй ажиллах талаарх зөвлөмжийг МСНЭ хэд хэдэн удаа гаргаж, хэвлэл мэдээллийн байгууллагад хүргүүлж байсан. Цаашид ч энэ чиглэлд илүү их анхаарал хандуулах болно.

Эх сурвалж: Duuren.mn

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Уншигч 2015-11-16 08:07:36
    Сэтгүүлчид сайн ажилласан заавал микрофоноо шатахыг хараад зогсож байх ёстой юмуу хүний амь насыг аварсанд нь баяр хүргэх хэрэгтэй битгий бусдыг хараар будаж ба...
  • галсанах 2015-11-16 05:02:30
    энэ галаа рид гэгч этгээд монголын сэтгүүл зүйг ёстой нэг алж байгаа мангар даа. тэр байгууллагыг толгойлоод таван жил илүү болохдоо юу ч бүтээгээгүй мал
  • bi 2015-11-15 08:29:02
    setguulchid maani zuv l ajillasan bna shde.yagaad buruutgaad bgaag yer oilgohgui bna
  • dd 2015-11-15 06:23:01
    ish
  • ниимаа 2015-11-15 05:32:36
    сэтгүүлчид гал сөнөөгчид биш гэнэ үү, гүй тэд чинь хүн юм байгаа биз дээ? хувцсаараа гөвсөн 2, галын хор авчирсан 1-с бусад нь гал команд дуудсан юм бн лдаа
  • Haramsaltai bn 2015-11-15 01:14:01
    2 hunees busad ni bertegchin bsan sul taliig ni dawuu bolgoh gej buu orold.bid teneh bish.yurunhiidii ihenh zaluuchuudiin unuugiin turh.niigem yls turchid buruu...
  • He 2015-11-15 01:08:55
    Setgiilchdiin ihenh ni aimhai bertegchin bdaltai bsan.galaarid demii umuurch bn.
  • Зочин 2015-11-15 00:32:27
    Сэтгүүлчид сайн ажилласан. Онцгой санамсаргүй нөхцөл байдалтай тулгарахад тэд мэргэжлийн үүргээ бас хүний амь нас аврах иргэний үүргээ сайн биелүүлсэн.
  • irgen 2015-11-14 23:54:58
    Сэтгүүлчдийг буруутгах хэрэггүй.. тэд хүний амийг аварлаа. Тэд ажил хүнд, онцлогтой шүү.
  • irgen 2015-11-14 12:45:32
    Ter setguulch nart bayr hurgie.
  • наса 2015-11-14 08:40:44
    Яг л онц ажиллаач. Микрофондоо үхэх гээд аваад зугтсан нь олон байсан. Хүн үхэж байхад авсан зураг нь алдар нэр авчирна гэж бодож байгаа юм байх даа, бацаанууда...
  • Одбаяр 2015-11-14 08:25:01
    Сэтгүүлчид л галыг нь унтрааж, амийг нь аварсан юм байна лээ шүү. Ер нь сэтгүүлчид бол гал сөнөөгчид биш шүү. Харин ч самбаатай сайн ажилласан байна лээ.
  • zorigo 2015-11-14 07:16:23
    Huts huts chi suudalasaa salah bii geed l ingej bgaa shdee ter galiin horiig 10n jiliin hvvhed ch ajiluulj chadna.gehdee erdene guaig abarsan ter zaluu sain bna...