УИХ-ын нэгдсэн хуралдаанаар 2016 оны төсвийг хэлэлцэх үеэр МАН-ын бүлэг завсарлага авах болсон шалтгаан, үндэслэлийн талаар бүлгийн дарга С.Бямбацогт, дэд дарга Д.Хаянхярваа, УИХ-ын гишүүн Ч.Хүрэлбаатар нар мэдээлэл хийлээ. Бүлгийн дарга С.Бямбацогт хэлэхдээ "УИХ бүрэн эрхийн хугацааныхаа сүүлийн жилийн төсвийг хэлэлцэж байна. Улсын төсөв батална гэдэг нь Үндсэн хуульд заасан УИХ-ын онцгой бүрэн эрх. Ирэх жил Монгол Улс хэдий хэр орлого олох, юунд яаж зарцуулахаа нэгбүрчлэн ярьж шийдэх гэж байна. Айл гэрээр яривал ирэх онд өмсөх хувцас, идэх хоол, унтах орон байртай байх эсэхээ л ярих гэж байгаа. Харамсалтай нь УИХ маань өчигдрөөс авахуулаад хоёр дахь хэлэлцүүлэг дээр маш цөөхөн гишүүнтэй байна. АН-ын бүлгийн гишүүд ирээгүй, нэгнийхээ өмнөөс кноп дарж санал өгч эхэлсэн учраас бид хатуу эсэргүүцсэнээр өчигдөр ажлын бус цагаар буюу шөнө дөлөөр хуралдахыг болиулсан. Гэтэл өнөөдөр чуулган эхлэхэд гишүүдээр санал хэлүүлсэнгүй. Ингэж хүч түрж болохгүй. Улсын ажлыг гацаахгүйн тулд бид чуулганы хоёр дахь хэлэлцүүлэгт оролцохоор тохирсон. Зарчмын шаардлага, саналуудаа тавина. УИХ-ын дарга ийм байдлаар хууль зөрчиж хүч түрж явах гэж оролдох юм бол УИХ-ын даргыг огцруулах асуудлыг тавина, шаардана гэдэгт бид санал нэгдсэн" гэлээ.
Мөн тэрээр "Улсын төсөв хүндэрсэн, өр 1,6 их наядаар нэмэгдэж байна. Монгол Улс Грекээс ч дутахгүй өрийн дарамтад орсон. Гэтэл УИХ-ын дарга З.Энхболд өр зээлийн асуудалд санаа зовсон гишүүдийн асуултад "Монгол Улсын өрөнд та нар юу гэж санаа зовдог юм, зээл өгсөн Хятадын Ардын банк санаа зовохгүй байхад та нар юундаа санаа зовдог юм" гэдэг байдлаар асуудалд хандаж байгаа нь хариуцлагагүй явдал" гэж тайлбарлав.
Мөн тэрээр "Улсын төсөв хүндэрсэн, өр 1,6 их наядаар нэмэгдэж байна. Монгол Улс Грекээс ч дутахгүй өрийн дарамтад орсон. Гэтэл УИХ-ын дарга З.Энхболд өр зээлийн асуудалд санаа зовсон гишүүдийн асуултад "Монгол Улсын өрөнд та нар юу гэж санаа зовдог юм, зээл өгсөн Хятадын Ардын банк санаа зовохгүй байхад та нар юундаа санаа зовдог юм" гэдэг байдлаар асуудалд хандаж байгаа нь хариуцлагагүй явдал" гэж тайлбарлав.
Г.Уянга
Olloo.mn
Olloo.mn