Аянга бууснаас Сэлэнгэ аймагт 12 удаа түймэр гарчээ

Энэ он гарсаар аянганы улмаас Сэлэнгэ аймагт 12 удаагийн түймэр  гарчээ. Тус аймгийн хувьд хамгийн эрсдэлтэйд тооцогддог гол мөрний усанд осолдох золгүй тохиолдолд энэ онд 17 хүн өртсөнөөс 13 хүн нас барж, онцгой байдлын албаны албан хаагчид гол уснаас 4 иргэний амь насыг авран хамгаалсан байна.

Мөн эхний 10 сарын байдлаар ой, хээрийн түймэр 52, ахуйн гал түймэр 92 удаа, газар хөдлөлт 1, малын халдварт өвчин 1 удаа тохиолджээ. Ой, хээрийн түймрийн хувьд ОХУ-аас хил давж 2 түймэр орж ирсэн байна. Мөн иргэд үнс нурмаа ил задгай асгаснаас, лаа, дэн, тамхи, шүдэнзний галаас, машин техникийн яндангийн цонолт зэрэг иргэдийн анхаарал болгоомжгүй үйлдлээс шалтгаалсан түймэр ихээр гарч байгаа аж.

Түймрийн улмаас нийт 59.833.9 га гал түймэрт өртөн шатаж, байгаль экологид урьдчилсан байдлаар 7.7 тэрбум төгрөгийн хохирол учирчээ. Харин 17 удаагийн ой, хээрийн түймрийн шалтгаан тогтоогдоогүй байна.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.