Дарханы шинэ засаг намын тохироогоор халаа сэлгээ хийсэн үү
Дархан-Уул аймгийн улс төрийн байдал тогтворгүй бас дуулиан шуугианиар тасардаггүй. Сандал суудлын төлөө сөрөг хүчин гэлтгүй нам дотроо хөлөө жийлцэн “цус сэлбэх” нэрээр  улс төрийн тоглолт хийдэг. Тэгвэл яг одоо тус аймагт улс төрийн хурцадмал байдал дахин үүсжээ. Өмнөх Засаг дарга С.Насанбат нь төсвийн хөрөнгийг идэж, уусан хэргээр аавын хаалга татахад тун ойрхон буй. АТГ-аас түүнийг шалгаж, цагдан хорьж байсан ч саяхан батлан даалтад гараад байгаа юм. 

Харин энэ хооронд өмнөх засгаа унаган байж сонгогдсон гэх А.Энхболд сонгогдсон даруйдаа л газар, хэлтсийн дарга нараа халж, солилоогэх шуум тасраагүй. Тодруулбал, Засгаар сонгогдоод гуравхан сар болохдоо таван хүнийг ажлаас нь халсан аж. Тэдний дунд Засаг даргын тамгын газрын дарга, Хөгжлийн бодлогын хэлтсийн дарга, Нийгмийн хөгжлийн хэлтсийн дарга, Дархан хотын ерөнхий архетектурч, Засаг даргын орлогч  зэрэг удирдах албаны хүмүүс багтсан байна. 

-Би хэнийг ч халаагүй. Тэд хамтарч ажиллахыг хүсээгүй-
 
Дээрх нэр бүхий хүмүүсийг ажлын ур чадвар дутуу гэх шалтгаанаар нэг л өдөр халж орхисон гэдгийг эх сурвалж мэдээлсэн юм. Харин энэ талаар А.Энхболд даргаас тодруулахад “Хэнийг ч халаагүй. Эдгээр хүмүүс намайг ажлаа авснаас хойш надтай уулзаагүй. Өөрсдөө хамтарч ажиллах хүсэлгүй мэт өргөдлөө өгөөд гарсан” гэх тайлбарыг хийлээ.  Харин эх сурвалжууд энэ мэдээллийг үгүйсгэж, арай өөр зүйлийг хэлж байна. Мөн  энэ халаа сэлгээнд намын тохироо явагдаж байгаа гэдэг шуум ч байгаа юм. 

Өдгөө Дарханы АН гурав хуваагдаж, МАН хоёр хуваагдсан гэх тул аль аль нь эрх ашгаа бодон намын тохироогоор дээрх ажлаас гарсан хүмүүсийн орны хүнийг томилсон тухай  яриа ч бий.Тэгвэл намын тохироогоор халаа сэлгээ хийсэн талаар А.Энхболд засаг даргаас тодруулахад “Цомхотгол хийгээгүй гэж хэлэхгүй. Бид хариуцлага тооцож, төрийн албаны хууль дүрэмд нийцүүлээд явахыг зорьж байна. Ер нь өөрийнхөө оногдсон үүрэгт ажлаа хийсэн шиг хийж байгаа хүнтэй асуудал ярихгүй. Тухайлбал, манай хэлтсийн дарга нар хурууны хээгээр ирц бүртгүүлдэггүй явсаар ирсэн хийгээд олон бугшсан асуудал бий.Үүнд нь бид хариуцлага тооцох механизм ярих ёстой. Зарим алба хаагчдын гэмт хэргийн чанартай асуудал АТГ-т шалгагдаж байгаа. Энэ үндэслэлээр үзвэл халагдах хэмжээний хариуцлага тооцох хүн байсан учир би халсан. Харин өөрийнхүө сэлтээр ажлаа өгсөн хүмүүс дунд намайг ажлаас чөлөөлөөд өгөөч. Ингэснээр би цаашид төрийн албанд ажиллах нөхцөл бүрдэнэ гэсэн хүсэлт тавиад гарч байна” гэх хариултыг өгсөн юм.

Ямартай ч Дархан-Уул аймагт  халаа сэлгээ явагдаж, ажлаа өгсөн хүмүүсийг орлох зарим албан тушаалтан томилогдсон сураг байгаа юм. 

Манай сурвалжлах баг тус аймагт үүсээд буй нөхцөл байдлыг  ийнхүү тодрууллаа. 

Үргэлжлэл бий. 
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Сонгуулиас өмнө амжиж идэх гээд 2015-11-09 03:32:00
    Улайрсан луйварчингууд хүнийг санаанд оромгүй үйлдэл их хийж байна. Дарханд АН-н халдвар ид явж байгаа юм байна да
    183.81.171.135
    Мэдэгдсэн Хариулах
  • zochin 2015-11-06 06:24:17
    ardiin namaas hoogdson zaluu bnshdee tiim ih shudraga yum bol uzel bodoldoo unench baildaa
    202.179.11.134
    Мэдэгдсэн Хариулах
  • Зочин 2015-11-04 10:23:51
    Энэ угаасаа нэлээн будлиантай нөхөр шдээ. ямарч боловсролгүй техниккум төгссөн гар
    122.201.22.115
    Мэдэгдсэн Хариулах
  • Zochin 2015-11-04 06:03:34
    Шинэ удирдлагыг дэмжиж байна. Угаасаа өөрчлөлтөд дургүй, хуучин арга барилаараа ажилладаг, идэж уух сонирхолтой хүмүүс л эсэргүүцэх нь тодорхой. Амжилт.
    27.123.214.113
    Мэдэгдсэн Хариулах
  • зОЧИН 2015-11-04 05:29:44
    энэ хүн чинь зүгээр л хулгайч ч ш дээ. Ардын намынхан ийм хүнийг дэмжиж явсаар бүхэл бүтэн дархан хотын засаг дарга болгох гэж.....Арай ч дээ. Дархан хот боловс...
    43.242.242.104
    Мэдэгдсэн Хариулах
  • Зочин 2015-11-04 04:56:22
    Сэтгэгдэл битгий устгаад байгаачээ оллоо.мн -ээ та нарыг хэдэн төгрөгөөр худалдагдаж мэдээллийг гуйвуулж тавьсныг ойлгож байна. Дашуудын сайт болоо юу даа
    103.57.93.83
    Мэдэгдсэн Хариулах
  • Зочин 2015-11-04 04:15:25
    Бүгдийг нь хус олон жил МАН засаг барьсан одоо АН-ынхныг төрийн албанд ажиллуулах цаг болсон. Нэг ч МАН-ын хүнийг ажилд дахиж тавиарай.
    103.57.93.83
    Мэдэгдсэн Хариулах
  • тийм байлгүй. 2015-11-04 04:12:12
    энэ залууг харин зарчим барьж ажиллаж чадах хүн гэж боддог.төрийн ажлыг хэн нэгний заавраар хийдэг гэж бодохгүй байна.тэн цэхгүй бол өөрччилж л таараа
    112.72.15.61
    Мэдэгдсэн Хариулах